قوستانايلىق وتباسى ورىنبوردا جوعالعان قىزىن 83 جىل بويى ىزدەگەن
كەيىن قىزىن ىزدەپ كەلگەندە ولارعا ينتەرناتتىق تاراپ، بارلىق بالالاردى الىپ كەتكەندىگىن ايتادى.
سودان بەرى بۇل وتباسى ءۇمىتىن ۇزبەي، اعياش قاسەنوۆانى ىزدەۋدە.
«ورەنبۋرجە» اقپارات اگەنتتىگىنىڭ مالىمەتىنشە، وتكەن عاسىردىڭ 30-جىلدارى وسىنداي وقيعالار وتە كوپ بولعان. ءار وتباسىنىڭ باستان كەشىرگەن وقيعالارىنىڭ استىندا ءبىر ۇرپاقتىڭ تاعدىرى جاتىر.
وسى حات قازاقستاننان ورىنبور اۋدانىنداعى «سەلسكيە ۆەستي» گازەتىنىڭ رەداكسياسىنا جولدانعان. حات اۆتورى سانا مانابايەۆا ءبىراز جىلدان بەرى تەلەارنا مەن گازەتتەرگە جازىپ كەلەدى.
بارلىعى 1933 -جىلى باستالعان. ونىڭ اجەسى تۇيمە قاسەنوۆا اشارشىلىق ناۋبەتىنەن امان قالۋ ماقساتىندا جولداسى مەن ءۇش بالاسىن الىپ اقتوبەدەن ورىنبورعا جاياۋ اتتانادى.
«تۇيمە ءوز بالالارىن اشتىقتان قۇتقارۋ ءۇشىن ۋاقىتشا بالالار ۇيىنە بەرۋگە ءماجبۇر بولادى، - دەپ ايتادى سانا مانابايەۆا. - ءبىراز ۋاقىت وتكەن سوڭ ولاردى پويىزعا مىنگىزىپ، قوستاناي وبلىسىنا جونەلتەدى».
اتا-اناسى وزىمەن بىرگە تەك ەكى بالاسىن الىپ قالىپ، ءۇش جاسار اعياشتى بالالار ۇيىندە قالادى. كەيىننەن وزدەرى تاستاپ كەتكەن بالالار ءۇيىنىڭ جابىلىپ قالعانىن ءبىلىپ، قىزىن تابا المايدى. وسىدان سوڭ سوعىس باستالىپ، اعياش قاسەنوۆا سول كۇيى تابىلمايدى.
اناسى ۇزاق جىلدار بويى قىزىنان حابار كۇتىپ، ورتالىق تەلەارناعا، تانىمال «وت ۆسەي دۋشي» باعدارلاماسىنىڭ جۇرگىزۋشىسى ۆالەنتينا لەونتيەۆاعا حات جولدايدى. ەشقانداي جاۋاپ كەلمەگەن - لەونتيەۆانىڭ ءوزى كومەك بەرە الماعان سىڭايلى. تۇيمە قاسەنوۆا ءوزىنىڭ اعياشىن كۇتىپ، ومىردەن وتەدى. ونىڭ ومىرلىك اماناتىن نەمەرەسى سانا جالعاستىرادى.
«مەنىڭ ءوزىم 65 جاسقا كەلدىم. الايدا، اجەمىز ءبىزدى ءوسىردى، جەتىلدىردى، دەمەك ونىڭ قىزىن جانە مەنىڭ اپكەمدى تابۋ - مەنىڭ مىندەتىم. ول ءومىرىنىڭ سوڭىنا دەيىن ىزدەدى. ول كەزدەرى ورىس ءتىلىن ەشكىم جەتىك بىلمەيدى، ءبىراق وعان قاراماستان بارلىق جەرگە جازدىق. جاۋاپ كەلمەگەندىگىنە قاراماستان، اجەمىز ءبىر ءسات تە ءۇمىتىن ۇزبەدى»، - دەيدى سانا مانابايەۆا.
