استانانىڭ 82 مىڭ تۇرعىنى قوعامدىق كولىكتە تەگىن جۇرەدى

استانا. قازاقپارات - استانانىڭ 82 مىڭ تۇرعىنى قوعامدىق كولىك قىزمەتىن تەگىن پايدالانا الادى، دەپ حابارلادى قالالىق اكىمدىكتىڭ باسپا ءسوز قىزمەتىنەن.

«بۇگىندە استانادا تۇراتىن 82 مىڭ ادام جەڭىلدىكتەر قاراستىرىلعان توپقا كىرەدى.

وعان ۇ و س قاتىسۋشىلارى جانە وعان تەڭەستىرىلگەندەر (2208 ادام)، زەينەتكەرلەر (57452 ادام) ، 1, 2, 3 توپتاعى مۇگەدەكتەر (13295 ادام)، قارۋلى كۇش قۇرىلىمدارىنىڭ زەينەتكەرلەرى (5144 ادام)، كوپبالالى انالار (3809 ادام) جاتادى. بۇلار ءۇشىن قوعامدىق كولىكتە ءجۇرۋ تەگىن»، - دەلىنگەن حابارلامادا.

جولاۋشىلار كولىگى جانە اۆتوموبيل جولدارى باسقارماسىنان حابارلاعانداي، جەڭىلدىكتەر قاراستىرىلعان ادامداردى قوعامدىق كولىكتە

تەگىن تاسىمالداۋ ءۇشىن 2014 - جىلى 1 ميلليارد 154 ميلليون 843 مىڭ تەڭگە جۇمسالادى.