اۆتوموبيل ءنومىرى 820 مىڭ دوللارعا ساتىلدى

استانا. قازاقپارات - ۇلى بريتانيادا اۆتوموبيل ءنومىرى رەكوردتىق باعا - 820 مىڭ دوللارعا ساتىلدى. لوندوندىق Daily Mail گازەتىنىڭ جازۋىنشا، اۆتوموبيل ديللەرى دجون كوللينس «250» نومىرىنە وسىنداي اقشا تولەگەن.

سيرەك نومىرلەر اۋكتسيونى كارديففتە ءوتتى.

ونى ۇيىمداستىرعان اۆتوموبيل جۇرگىزۋ قۇقى جانە ليسەنزيا جونىندەگى اگەنتتىك العاشقىدا 6 مىڭ دوللار تاعايىنداعان ەدى. ءبىراق ول 136 ەسە كوتەرىلدى. ونىڭ بۇلايشا شىرقاۋىنا كوللينستىڭ ءوزىنىڭ 1961 - جىلى شىعارىلعان  Ferrari 250 SWBماشيناسىنا تىركەۋ بەلگىسىن العاندىعى سەبەپ بولعان. قورىتىندىسىندا ول كولىكتىڭ سەريالىق نومىرىمەن سايكەس كەلدى.

 بۇدان بۇرىن كوللينس اۋكتسيوندا «250 L« اتاۋلى بەلگىسىن 208 مىڭ دوللارعا ساتىپ العان- دى.

بۇدان بۇرىنعى رەكوردتىق باعا بيزنەسمەن افزال حانعا تيەسىلى ەدى. وعان 2008 - جىلى «F 1» تىركەۋ بەلگىسى 700 مىڭ دوللارعا تۇسكەن بولاتىن.