بالالاردى مەكتەپكە دەيىنگى بىلىممەن قامتۋ 82,7 پايىزدى قۇرايدى

استانا. قازاقپارات - بيىل 1371 مەكتەپكە دەيىنگى ۇيىم كۇردەلى جانە اعىمداعى جوندەۋ جۇمىستارىن تالاپ ەتەدى.
None
None

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز قىزمەتىندە ءبىلىم جانە عىلىم ۆيسە- ءمينيسترى ەلميرا سۋحانبەرديەۆا ءمالىم ەتتى.

«بۇگىندە ەلىمىدە  9297 مەكتەپكە دەيىنگى ۇيىمعا 817,8 مىڭ بالا بارادى. بيىل 538 مەكتەپكە دەيىنگى ۇيىم اشىلىپ، ونىڭ ىشىندە 49 بالاباقشا ىسكە قوسىلدى. جىل سوڭىنا دەيىن 82 نىسان، ونىڭ ىشىندە ۇلتتىق قور ەسەبىنەن 11 بالاباقشا اشۋ جوسپارلانىپ وتىر. ناتيجەسىندە 3-6 جاستاعى بالالاردى مەكتەپكە دەيىنگى بىلىممەن قامتۋ 82,7 پايىزدى قۇرايدى»، - دەدى ول.

ونىڭ سوزىنە قاراعاندا، بيىل 1371 مەكتەپكە دەيىنگى ۇيىم كۇردەلى جانە اعىمداعى جوندەۋ جۇمىستارىن تالاپ ەتەدى. ونىڭ ىشىندە 1113 نىسانعا جوندەۋ جۇرگىزۋگە قارجى قاراستىرىلعان.

 ق ر  ب ع م مالىمەتىنە قاراعاندا، بۇگىندە 1056 عيماراتتا جوندەۋ جۇمىستارى اياقتالدى. وسى رەتتە اقتوبە وبلىسىندا جوندەۋ جۇمىستارىنىڭ ۋاقىتىندا اياقتالۋ مەرزىمىنىڭ بۇزىلۋى قاۋپى بايقالۋدا. وڭىردە 219 ۇيىمنىڭ 118-ىندە جوندەۋ شارالارى جۇرگىزىلگەن كورىنەدى.

اۆتور: رۋسلان عابباسوۆ

سوڭعى جاڭالىقتار