قىزىلوردا وبلىسىندا ۇ ب ت- نىڭ الدىن الا قورىتىندىسى بويىنشا ورتاشا بال 82,7 قۇرادى

قىزىلوردا. قازاقپارات - قىزىلوردا وبلىسىندا ۇلتتىق ءبىرىڭعاي تەستىلەۋدىڭ الدىن الا قورىتىندىلارى دايىن بولدى.

بۇل تۋرالى وبلىستىق ءبىلىم باسقارماسىنىڭ باسپا ءسوز قىزمەتى حابارلادى.

ۇ ب ت- عا 2016-جىلى 4507 ادام قاتىستى. ال 81 تۇلەك ءار ءتۇرلى سەبەپتەرمەن تەستىلەۋگە قاتىسقان جوق. وبلىستا ورتاشا بال 82,7 قۇرادى. بۇل وتكەن جىلمەن سالىستىرعاندا ءبىر بالعا جوعارى. 4381 تۇلەك شەكتى بالدى، ياعني 50 بالدان جوعارى جينادى. ءجۇز جانە ودان جوعارى بال جيناعاندار 706 ادام. 122 بالدى ءتورت تۇلەك، قارماقشى اۋدانىنداعى 250№ مەكتەپتەن انار مۇحيت، 198№ مەكتەپتەن ۆەرونيكا تسوي،  قىزىلورداداعى 222№ مەكتەپتەن باقبەرگەن الدابەرگەن جانە جالاعاش اۋدانى جاڭاتالاپ اۋىلىنداعى 119№ مەكتەپتەن مۇحامەدراقىم ماڭمۇرىنوۆ جينادى.

ءوزىنىڭ بىلىمدەرىن دالەلدەپ «التىن بەلگى» بەلگىسىن 132 ۇمىتكەر اقتاپ شىقتى. سونىمەن قاتار اپپەلياتسياعا ءوتىنىش جازعان 98 ۇمىتكەردىڭ ۇشەۋى «التىن بەلگى» ۇمىتكەرلەر دالەلدەدى. تاعى ون ادام اپپەلياتسيا ناتيجەسىمەن ون بالدارىن الدى.

33 تۇلەك «ۇزدىك اتتەستات» يەگەرى اتاندى. ودان بولەك، 35 «التىن بەلگى» ۇمىتكەرلەرى ءبىر بال جەتپەي «ۇزدىك اتتەستاتقا» يە بولدى.

اۆتور: ەلۋباي اۋەزوۆ