استانا ماڭىندا قۇنى 82,5 ميلليارد تەڭگە بولاتىن جەل ەلەكتر ستانساسى سالىنادى
2021-جىلعا قاراي «جاسىل» جوبالاردى ىسكە اسىرۋ ارقىلى جاڭارتىلاتىن ەنەرگيا كوزدەرىن %46,2 عا دەيىن ارتتىرۋعا بولادى. بۇل مەملەكەت باسشىسىنىڭ جولداۋدا كورسەتىلگەن تاپسىرمالارىن تولىعىمەن ورىنداۋعا مۇمكىندىك بەرەدى. وندا 2030-جىلى قازاقستاندا بالامالى ەنەرگيانىڭ ۇلەسى %30 دى قۇراۋى ءتيىس ەكەندىگى اتالىپ وتىلگەن بولاتىن.
اقمولا وبلىسىنىڭ جەل الەۋەتى جوعارى ءوڭىرى رەتىندە ەرەيمەنتاۋ اۋدانى قاراستىرىلىپ جاتىر. وندا جەل ەلەكتر ستانساسىنىڭ قۇرىلىسى بويىنشا ءبىرقاتار جوبالار جۇزەگە اسىرىلۋدا.
«مىسالى، يندۋستراليزاتسيا كارتاسى اياسىندا «ءبىرىنشى جەل ەلەكتر ستانساسى» ج ش س ەرەيمەنتاۋ اۋدانىندا قۋاتتىلىعى 45 مۆت بولاتىن جەل ەلەكتر ستانتسياسىن پايدالانۋعا بەردى. 2015-جىلى ەلەكتر ەنەرگياسىن ءوندىرۋ 78,9 ميلليون كۆت/ساعات بولسا، 2016-جىلى - 141,6 ميلليون كۆت/ساعات (وبلىستاعى ەلەكتر ەنەرگياسىنىڭ 17%)، 2017 -جىلى 166,4 ميلليون كۆت/ساعاتتى (%19,6) قۇرادى. سەلينوگراد اۋدانىندا «اگروفيرما «رودينا» ج ش س 2013-جىلى قۋاتتىلىعى 750 كۆت/ساعات بولاتىن جەل ەنەرگەتيكا قوندىرعىسىن ىسكە قوستى»، - دەدى ۆەدومستۆودا.
ارشالى اۋدانىندا «اقبوتا» قوعامدىق قورى كۇن ەنەرگياسىن قولداناتىن سۋ جىلىتقىش باتارەيالارى، جارىق ديودتى جارىقتاندىرۋ، پيروليزدىك پەش، جىلىجايلاردا وسىمدىكتەردى تامشىلاتىپ سۋارۋ سياقتى جاڭا «جاسىل» تەحنولوگيالاردى ورناتقان.
قازىرگى تاڭدا وڭىردە بالامالى ەنەرگەتيكا سالاسىندا ءىرى جوبالاردى جۇزەگە اسىرۋ جالعاسىپ جاتىر. اتاپ ايتقاندا، ارشالى اۋدانىندا «ساتەك Green Energy» ج ش س قۋاتتىلىعى 100 مۆت بولاتىن جەل ەلەكتر ستانساسىنىڭ قۇرىلىسىن باستادى. جوبانىڭ قۋاتتىلىعى 82,5 ميلليارد تەڭگە.
«KB Enterprises» ج ش س سەلينوگراد اۋدانىندا قۇنى 165 ميلليون ەۋرونى (60 ميلليارد تەڭگە) قۇرايتىن كۇن ەلەكتر ستانساسىنىڭ قۇرىلىسى بويىنشا دايىندىق جۇمىستارىن جۇرگىزىپ جاتىر.
