ۇلى بريتانيالىق قاريا 81 جاسىندا ايەلگە اينالدى

 استانا. قازاقپارات - ۇلى بريتانيادا ءۇش بالانىڭ اكەسى، ءتورت نەمەرەنىڭ اتاسى دجەيمس روۋز جىنىسىن اۋىستىرعان ەڭ ەگدە اعىلشىن اتاندى.

ول 81 جاسىندا حيرۋرگيالىق وپەراتسيا جاساتتى، دەپ جازادى Sunday People. ەندى دجەيمس قاريا رۋت اتتى ايەلگە اينالدى.

 ءتورت جىل بۇرىن دجەيمس كەسكىنى مەن ءمۇسىنىن ايەلگە ۇقساتۋ ءۇشىن گورموندىق پرەپاراتتاردى قولدانا باستادى، ال وسى جىلدىڭ شىلدە ايىندا ەركەكتىك جىنىس ورگاندارىن الدىرتىپ تاستادى.

 دجەيمستىڭ ايتۋىنشا، ول ءارقاشان ءوزىن بوتەن دەنەدە سەزىنگەن. «ايەلىم بولعان كەزدە مەن جارتىلاي ءومىر ءسۇردىم: سىرتىم ەر ادام بولعانمەن، ءىشىم ايەل ەدى. 42 جاسىمدا بويىمدا تاماشا ايەل زاتى جاسىرىنىپ جاتتى، ءبىراق مەن ايەلىمە ءوز سەزىمدەرىم تۋرالى بىلدىرمەۋگە تىرىستىم»، - دەيدى قاريا.

وپەراتسيادان سوڭ قارت ترانسگەندەر قوعام مۇشەلەرىنىڭ جاپپاي سىنىنا ۇشىرادى. ءبىراق رۋت، ءوزى ايتپاقشى، «ناعىز حانىمعا» اينالعانىنا استە وكىنبەيدى.

Baq.kz