ۇشقىشتاردىڭ ەرەۋىلىنە بايلانىستى 80 گە جۋىق رەيس توقتاتىلدى

بريۋسسەل. قازاقپارات 14-15- تامىز ارالىعىندا Ryanair بەلگيالىق فيليالىنىڭ ۇشقىشتارىنىڭ كەزەكتى ەرەۋىلى وتەدى، دەپ حابارلايدى قازاقپارات ءتىلشىسى.

ەۋروپالىق وداقتاعى «لوۋ-كوست اۆياكومپانياسى» سانالاتىن اۋە كومپانياسىنىڭ سايتىندا شارلەرۋا (بەلگيا) اۋەجايىندا ورنالاسقان ۇشقىشتاردىڭ ەرەۋىلگە شىعۋى تۋرالى حابارلاندىرۋ جاريالاندى. Ryanair حابارلاۋىنشا، ەكى كۇندىك نارازىلىق كەزىندە كۇن سايىن 170 رەيستىڭ 40 ىن توقتاتۋعا ءماجبۇر.

ۇشقىشتار جالاقىلارىن پاندەميا دەڭگەيىنە دەيىن قالپىنا كەلتىرۋدى تالاپ ەتۋدە. 2020-جىلى Ryanair كومپانياسى داعدارىستى جەڭۋگە كومەكتەسۋ ءۇشىن ۇشقىشتاردىڭ جالاقىسىنا %20 قوسقان.

بۇل - بەلگيالىق Ryanair ۇشقىشتارىنىڭ وسى جازداعى ءۇشىنشى ەرەۋىلى. بۇعان دەيىن ولار ەكى رەت - اعىمداعى جىلدىڭ 15-16- شىلدەسىندە جانە 29-30- شىلدەسىندە جۇمىستا بولماعان.