مۇحتار شاحانوۆ 80 جاستا
قازاق پوەزياسىندا وزىندىك قولتاڭباسىمەن دارالانعان قالامگەر ەلدىك، ۇلتتىق ماسەلەلەردى شىعارماشىلىعىنىڭ تەمىرقازىعىنا اينالدىردى.
وقىرماننىڭ اقىنعا كورسەتكەن قۇرمەتى - سونىڭ كورىنىسى.
سماعۇل ەلۋباي، جازۋشى، قازاقستاننىڭ ەڭبەك سىڭىرگەن قايراتكەرى:
- شىنىنا كەلگەندە، اقىننىڭ اقىندىعىنان بولەك ءبىر قاسيەتى بار. ول كوپ اقىنعا دارىماعان. مۇحتارعا دارىعان ونىڭ قايراتكەرلىك قاسيەتى، كۇرەسكەرلىك قاسيەتى، ءتىل ءۇشىن ارال ءۇشىن جەلتوقسان ءۇشىن ول كىسىنىڭ قالاممەن دە جانىمەن دە كۇيىپ جانعان كەزى ەل ەسىندە.
اقىننىڭ تۋعان جەرى - ۇلىلاردىڭ مەكەنى، ورتا عاسىرلاردا وركەنيەتتىڭ ورداسى بولعان - وتىرار ولكەسى. شايىردىڭ شىعارماشىلىعىنا تاريحي تاقىرىپتىڭ ارقاۋ بولۋى دا سوندىقتان. اقىننىڭ جالعاندىقتان ادا، شىنايى جىرلارىن وقىرمانى قاي كەزدە دە تاپجىلماي تىڭداۋعا بار.
دۋلات يسابەكوۆ، جازۋشى، مەملەكەتتىك سىيلىقتىڭ لاۋرەاتى:
- كوپ جەردە مەن ايتامىن. شىندىعىندا وسى ناعىز قاھارمان ەڭبەك ەرى ەمەس، ناعىز قاھارمان وسى مۇحتار. كوبىمىز ستولدىڭ استىنا كىرىپ كەتكەن كەزدە مۇحتار باسىن قاتەرگە تىگىپ ۇيىنە پوچتا جاشىگىنە حات تاستاپ، ەندى سەن 86-جىلدى كوتەرەتىن بولساڭ ءبىز ساعان كورسەتەمىز دەگەن ءسوز عوي ەندى، مۇحتاردىڭ بەتى قايتقان جوق.
مۇحتار شاحانوۆ ادەبيەتتىڭ بىرنەشە جانرىندا ەڭبەك ەتتى. قالامگەردىڭ پوەزيا، پروزا، دراماتۋرگياداعى ەڭبەكتەرى ولشەۋسىز. قالامگەرلەر اراسىنا تاراعان «جازۋشى زەينەتكە شىقپايدى» دەگەن ءتامسىل بار. سەبەبى ونىڭ قالامى كوز جۇمعانشا قولىنان تۇسپەيدى. سەكسەننىڭ سەڭگىرىنە شىققان مۇحتار شاحانوۆ ءالى دە ءورشىل ولەڭدەرىمەن وقىرماندارىن قۋانتاتىنى ءسوزسىز.
www.24.kz
