قازاقستان مۇنايدىڭ 80 پروتسەنتىن كاسپي قۇبىر كونسورتسيۋمى ارقىلى ەكسپورتتاپ كەلگەن
بۇل تابىستان قاعىلدىق دەگەن ءسوز. ونىڭ سالدارى قانداي بولارىن باعامداي بەرىڭىز. بۇگىن عانا كاسپي قۇبىرى جەلىسى كونسورتسيۋىمى باسشىلىعى ارنايى مالىمدەمە جاسادى. ولار مۇناي تاسىمالداۋدى توقتاتتىق. ازعانتاي عانا قورىمىز بار. بۇگىن- ەرتەڭ ول دا ءبىتۋى مۇمكىن دەپ اشىق ايتتى.
كاسپي قۇبىر جەلىسى كونسورتسيۋمى ەكى قوندىرعىنىڭ جۇمىسىن ۋاقىتشا توقتاتتى. وعان نوۆوروسسيسكتەگى قاتتى داۋىل اسەر ەتىپ، ەندى قۇبىردى جوندەۋ جۇمىستارى ۇزاققا سوزىلۋى مۇمكىن. ول قۇبىر جەلىسىنىڭ وتكىزۋ مۇمكىندىگىن تومەندەتىپ وتىر. بۇل تۋرالى ۇيىمنىڭ باس ديرەكتورى نيكولاي گوربان مالىمدەدى. مۇندا ۋاقىتشا شىعارۋ ايلاقتىق قۇرىلعىلارىن پايدالانباۋ تۋرالى شەشىم قابىلدانعان ەدى.
قازىر ءبىزدىڭ ەنەرگەتيكا مينيسترلىگى كاسپي قۇبىر كونسورتسيۋمىمەن تەڭىز تەرمينالىنىڭ جۇمىسىن قالپىنا كەلتىرۋ مەرزىمدەرى بويىنشا كەڭەسىپ، بالامالى باعىتتار بويىنشا مۇنايدى ەكسپورتقا جونەلتۋ مۇمكىندىكتەرى پىسىقتاپ جاتىر.
نيكولاي گوربان، كاسپي قۇبىر كونسورتسيۋمىنىڭ باس ديرەكتورى:
- بىلتىر 585 تانكەر بوساتىلعان ەدى. باستى باعىتتاردى جىكتەر بولسام، يتاليا 213، فرانسيا 39، ا ق ش 26، يسپانيا 41 تانكەر جىبەردىك. قازىرگى جاعداي رەتتەلمەسە، ونىڭ سانى ازايىپ كەتەرى انىق. كاسپي قۇبىر كونسورتسيۋمى - وتاندىق مۇناي ءۇشىن نەگىزگى ەكسپورتتىق باعىت. قۇبىر ارقىلى ايدالاتىن «قارا التىننىڭ» % 80- تەن استامى قازاقستاننان جونەلتىلەدى. ماگيسترالدىڭ جىلدىق قۋاتى 67 ميلليون توننا مۇنايدى قۇرايدى.
ايتا كەتەرلىگى، 2001 -جىلدان بەرى وسى كۇنگە دەيىن تەڭىز- نوۆوروسسييسك مۇناي قۇبىرى جۇيەسى ارقىلى الەمدىك نارىققا 766 ميلليون 973 مىڭ توننادان اسا مۇناي شىعارىلعان. سونىڭ 668 ميلليون 967 مىڭ توننادان استامى وتاندىق مۇناي.
جالپى ەلىمىزدەگى «قارا التىندى» قىتاي، يتاليا، فرانسيا، وڭتۇستىك كورەيا، تۇركيا، يسپانيا، نيدەرلاندى، پورتۋگاليا، ءۇندىستان ەلدەرى تۇتىنادى. 2021 -جىلعى دەرەك بويىنشا ەلدەن يتالياعا 17 ميلليون 912 مىڭ 964 توننا مۇناي ەكسپورتتالعان. ساتۋ باعاسى 8 ميلليون 624 مىڭ ا ق ش دوللاردى قۇراعان. ال نيدەرلاند مەملەكەتىنە 3 ميلليون 732 مىڭ ا ق ش دوللارعا 8 ميلليون 188 مىڭ 826 توننا مۇناي جونەلتىلدى.
سونداي- اق ەكسپورتتىڭ 7 پروتسەنتى فرانسياعا تيەسىلى. جالپى وتاندىق مۇناي 25 ەلگە ساتىلعان. ەسكە سالايىق، كاسپي قۇبىر كونسورتسيۋمىنىڭ العاشقى ساتىسىندا جىلىنا 28 ميلليون توننا مۇناي وتكىزۋ مۇمكىندىگى بولعان. قۇبىردىڭ جالپى ۇزىندىعى 1510 شاقىرىم. ونىڭ 452 شاقىرىمى رەسپۋبليكامىزدىڭ اۋماعىنان وتەدى. كونسورتسيۋمىنىڭ جەلىسىنە قاشاعان، تەڭىز، قاراشىعاناق كەن ورىندارىنان مۇناي كەلىپ قۇيىلادى.
ىستەن شىققان جەلى رەسەي اۋماعىندا ەكەنىن ەسكە سالايىق. بۇلىنگەن قۇبىرلاردى قاشان قالپىنا كەلتىرەتىنى ازىرگە بەلگىسىز. بۇعان ءتىپتى 2-3-اي ۋاقىت كەتۋى ابدەن مۇمكىن دەگەن اقپارات بار. اتالعان ەلدەردىڭ دەنى ەۋروپادا ورنالاسقان. ياعني ءدال وسى ىستەن شىققان قۇبىر ارقىلى جونەلتىلىپ وتىرعان. ءبىر عانا اقاۋدان قانشاما تۇتىنۋشىدان ءبىر مەزەتتە ايىرىلىپ وتىرمىز. بۇرىن- سوڭدى ءبىزدىڭ ەلدە ءدال وسى سالادا مۇنداي كەلەڭسىزدىك بولىپ كورمەگەن. (گرافيكا - قازاق مۇنايى ەكسپورت)
www.24.kz
