ۋكراينداعى قازاقستاننىڭ 80 ازاماتى پولشاعا جەتكىزىلدى
مينيسترلىكتىڭ حابارلاۋىنشا، ۋكراينا، پولشا، مولدوۆا، بەلارۋس پەن رەسەيدەگى ديپلوماتيالىق مەكەمەلەرى قازاقستاندىق ازاماتتاردى ۋكراينادان وتانىنا قايتارۋدى ۇيىمداستىرۋ بويىنشا جۇمىس جالعاسىپ جاتىر.
«ۋكراينا مەن پولشانىڭ مەملەكەتتىك ورگاندارىمەن جاسالعان ۋاعدالاستىقتار اياسىندا قازاقستاننىڭ 80 ازاماتى ءۇشىن ۆيزاسىز جانە پ ت ر تەستىلەۋسىز شەكارادان ءوتۋ قامتاماسىز ەتىلدى جانە ولار ەۆاكۋاتسيالىق رەيستى كۇتۋ ءۇشىن كاتوۆيتسە قالاسىندا (پولشا) ورنالاستىرىلدى. بۇعان قوسا 260 وتانداسىمىز قازاقستاندىق ديپلوماتتارمەن بىرگە ۋكراينا- پولشا شەكاراسىندا تۇر جانە ونى ءوتۋ ءۇشىن ءوز كەزەگىن كۇتۋدە. ق ر ديپوكىلدىكتەرىنىڭ قىزمەتكەرلەرى ۋكراينا جانە پولشا تاراپتارىنىڭ شەكاراسىندا ورنالاسقان جانە تۋىنداعان ماسەلەلەردى شەشۋ ءۇشىن جۇمىس ىستەۋدە»، - دەلىنگەن حابارلامادا.
سىرتقى ىستەر مينيسترلىگىنىڭ مالىمەتىنشە، وتانداستارىمىزدى ەلگە جەتكىزۋدە ءتيىستى شارالار قابىلدانىپ جاتىر.
«ۋكرايناداعى ق ر ازاماتتارىنىڭ وتىنىشتەرى ءۇشىن قازاقستاننىڭ كيەۆتەگى ەلشىلىگىندە جانە ق ر س ءى م- دە «جەدەل جەلى» اشىلعانىن، بۇل جۇمىسقا دنەپر، لۆوۆ، ودەسسا مەن حاركوۆ قالالارىنداعى ق ر قۇرمەتتى كونسۋلدارى جۇمىلدىرىلعانىن ەسكە سالامىز. كيەۆتەگى ق ر ەلشىلىگى كۇشەيتىلگەن رەجيمدە ءوز جۇمىسىن جالعاستىرۋدا جانە بۇگىندە ديپلوماتتاردىڭ كومەگىمەن قازاقستانعا ورالعىسى كەلەتىن تۇلعالاردان 631 ءوتىنىم تىركەدى»، - دەيدى مينيسترلىكتەن.