حالىقتىڭ %80 ۆاكتسينا العانشا كارانتين شارالارىن جۇمسارتۋعا بولمايدى - الماز شارمان
«كەيبىر انتيۆاكسەرلەر ۆاكسينالارداعى قانداي دا ءبىر زياندى حيميالىق زاتتاردىڭ بولۋىنا «الاڭداۋ» قاجەت دەگەن قاۋەسەتتى تاراتۋدا. ولاردان مۇنداي ءۋاج ەستۋ قيىن، وزدەرى تەك قانا ورگانيكالىق تاماق جەپ، تيبەتتىڭ اۋاسىمەن دەم الىپ، ءالپى سۋىن ءىشىپ جۇرگەن جوق. الەمدە 100 پايىز قاۋىپسىز ەشتەڭە جوق. ءتىپتى قاراپايىم نان گليۋتەنگە قارسى كورسەتىلىمى بار ادامداردى اۋىر جاعدايعا، كەيدە ولىمگە اكەلۋى مۇمكىن. ۆاكسيناعا قارسى ادامدار كوپ مولشەردە قابىلدايتىن بيولوگيالىق بەلسەندى قوسپالار مەن ءدارى- دارمەكتەردىڭ جاناما اسەرلەرى بولۋى مۇمكىن. سونىمەن قاتار، قازىرگى ۆاكتسينا ءوندىرىسى تازارتۋ دارەجەسى مەن وندىرىستىك قاۋىپسىزدىكتىڭ بارلىق تالاپتارىن ساقتاۋ بويىنشا جوعارى دەڭگەيدە»، - دەپ جازدى دارىگەر Facebook پاراقشاسىندا.
ونىڭ ايتۋىنشا، ۆاكسيناعا نارازى توپتىڭ تاعى ءبىر ارگۋمەنتى - قازىرگى ۆاكسينالاۋدى تولىق اياقتالماعان ۆاكسينالار ەكسپەريمەنتىنە قاۋىپتى قاتىسۋ دەپ ەسەپتەيدى.
«ولاي بولسا، 120 جىل بۇرىن شىققان ءاسپيريننىڭ قانعا اسەرى تۋرالى كلينيكالىق زەرتتەۋلەر ءالى دە جۇرگىزىلىپ كەلەدى. انتيۆاكسەرلەردىڭ وسى پىكىرىنە سۇيەنسەك، پلانەتاداعى ميللياردتاعان ادامدار ءاسپيريندى سىناۋدا «تاجىريبەلىك قويان» بولعان. قازىرگى ۋاقىتتا COVID-19 - الدىن الۋعا بولاتىن اۋرۋ. ۆاكسينا 100 پايىز بولماسا دا، كوروناۆيرۋس ينفەكتسياسىنان جاقسى قورعايدى جانە اۋرۋدىڭ اۋىر ءوتۋىنىڭ الدىن الادى. ارينە، ۆاكسينانىڭ ءوزى كوۆيدتى تۋدىرمايدى. قازىرگى ۋاقىتتا الەمدە 4 ميلليارد دوزا ءتۇرلى ۆاكسينالار سالىندى جانە ۆاكسينادان تۋىنداعان كوروناۆيرۋس ينفەكسياسىنىڭ بىردە- ءبىر جاعدايى بولعان جوق. ۆاكسينا العاندار ءىس جۇزىندە كوۆيدتەن قايتىس بولمايدى»، - دەيدى ا. شارمان.
سونىمەن بىرگە، ۆاكسينالار رەپرودۋكتيۆتى بۇزىلۋلار مەن جاڭا تۋعان نارەستەلەردەگى دەفورماتسيالاردىڭ دامۋىنا اكەلمەيدى. كەرىسىنشە، كوۆيدپەن اۋىراتىنداردا بەدەۋلىك، بەلسىزدىك، شالا تۋۋ، سونداي- اق ميدىڭ، جۇرەكتىڭ جانە باسقا ورگانداردىڭ سوزىلمالى بۇزىلۋى، اقىل- وي قابىلەتىنىڭ تومەندەۋى قاۋپى بار.
«قازىر كۇن سايىن 7 مىڭنان استام قازاقستاندىق كوروناۆيرۋس جۇقتىرىپ، 150 دەن استام ناۋقاس قايتىس بولۋدا. بۇل - ۇلكەن تراگەديا، ەگەر كوپتەگەن ادامدار حالىقتى اداستىرماعاندا جانە كوپشىلىگىمىز قاجەتتى ۆاكسينالاردى ۋاقىتىلى العاندا، بۇلاي بولماس ەدى. وكىنىشكە وراي، قازاقستاندا حالىقتىڭ 80 پايىزدان استامى كوروناۆيرۋسقا قارسى ەكپە سالدىرعان جوق. بۇل ونىڭ تارالۋى مەن مۋتاتسياسى ءۇشىن وتە قولايلى ورتا. مۇنداي جاعداي ءالى دە جالعاسسا، كوروناۆيرۋستىڭ جۇقپالى جانە اگرەسسيۆتى نۇسقالارىنا بايلانىستى ىندەتتىڭ جاڭا تولقىندارىنا تاپ بولامىز. جەڭىلدەگەن كارانتيندىك شارالار كەزىندەگى ۆاكسينالاۋ پروتسەسى اسا جۇقپالى كوروناۆيرۋستىڭ ۆاكسيناعا ءتوزىمدى جاڭا نۇسقالارىن قالىپتاستىرۋعا ىقپال ەتەدى. سەبەبى بۇل ۆيرۋستىڭ تابيعي پروتسەسى. ازاماتتاردىڭ باسىم كوپشىلىگى، شامامەن 80 پايىزى ۆاكسينا العانشا كارانتين شارالارىن السىرەتۋگە بولمايدى»، - دەيدى الماز شارمان.