اق ايۋلار 80 جىلدان كەيىن جەر بەتىنەن جويىلىپ كەتۋى مۇمكىن
قازىردىڭ وزىندە جىرتقىشتار اشتان ولۋدە، ويتكەنى ولاردىڭ تابيعي تىرشىلىك ەتۋ ورتاسى بۇزىلعان.
عالىمداردىڭ پىكىرىنشە، ەگەر اتموسفەرادا كومىرقىشقىل گازىنىڭ شىعارىندىلارى قازىرگى دەڭگەيدە ساقتالسا، وندا جاھاندىق جىلىنۋ پوليار ايۋلارى ءۇشىن قايعىلى سالدارعا اكەلۋى مۇمكىن.
اركتيكاداعى كليماتتىڭ وزگەرۋى بۇگىندە پلانەتانىڭ باسقا ايماقتارىمەن سالىستىرعاندا ەكى ەسە جىلدام ءجۇرىپ جاتىر. پوليار ايۋلارى شامامەن 200 كۇن اش جۇرە الادى. ءبىراق ولارعا قورەگىن تابۋ قيىنعا سوعۋدا. ولار مۇزدا ءومىر سۇرەتىن اركتيكالىق يتبالىقتاردى اۋلايدى.
ەگەر جانۋاردىڭ دەنە سالماعى نورمادان %20 از بولسا، وندا ول قورەكسىز 200 كۇن ەمەس، تەك 125 كۇن ءومىر سۇرە الادى.
Nature Climate Change عىلىمي جۋرنالىندا جاريالانعان زەرتتەۋدە ەگەر جىرتقىشتاردىڭ تىرشىلىك ەتۋ ورتاسىنا انتروپوگەندىك اسەر توقتاماسا، كليمات تۋرالى پاريج كەلىسىمىنىڭ ماقساتتارىنىڭ جەتىستىگى دە پوليار ايۋلارىن جويىلىپ كەتۋدەن ساقتاي المايتىنى ايتىلعان.
