الپىس بەس جاسىندا بالا تۋىپ، 80 جاستاعى كۇيەۋىن قۋانتتى
استانا. قازاقپارات - ءۇندىستاندا 65 جاستاعى ايەل ەكىنشى بالاسىن ومىرگە اكەلدى، بالانىڭ اكەسى - 80 جاستا. بۇل تۋرالى بريتانيانىڭ Daily Mail باسىلىمى جازدى.
شال قىز سىيلاعان كەمپىرىنە ريزاشىلىق ءبىلدىرىپ، ارتىنشا ءسابيدى اسىراۋعا قوسىمشا قارجى تابۋ كەرەكتىگى ەسىنە ءتۇسىپ، قامىعىپ تا ۇلگەردى.
بۇل اجەي الەمدەگى تابيعي جولمەن دەنى ساۋ بالانى ومىرگە اكەلگەن ەڭ ەگدە جاستاعى ايەل اتاندى.
ايتا كەتەيىك، جۇبايلاردىڭ ۇلكەن ۇلى بيىل سەگىزگە تولدى.
رەپرودۋكسيا مامانى، دوكتور شابير سيديكيدىڭ ايتۋىنشا، مۇنداي جاعداي اسا سيرەك كەزدەسەدى.
«ادەتتە ءۇندىستان ايەلدەرىندە مەنوپاۋزا ورتاشا 47 جاستا كەلەدى. ءبىراق مىناۋ ەرەكشە جاعداي»، - دەيدى دارىگەر.
دارىگەرلەردىڭ ايتۋىنشا، ءسابي مەن اناسىنىڭ جاعدايى ءبىرقالىپتى.