تۇركيا حالقىنىڭ سانى 80 ميلليوننان استى
اتالعان دەرەك كوزىنىڭ كەلتىرگەن مالىمەتىنە قاراعاندا، 2014 -جىلى حالىق سانىنىڭ ءوسىمى 1,24 پايىزدى قۇراعان ەكەن، 2016 -جىلعى 1,6 ەسە وسىممەن سالىستىرعاندا ەداۋىر باياۋلاعانى بايقالعان. سونداي-اق، TurkStat دەرەگىنىڭ ءبىر جاعىمدىسى، حالىق سانىنىڭ وسۋىندە جاستار قاراسى ارتقان. ياعني، 31,7 جاستان 31,4 جاسقا دەيىن تۇسكەن.
اسىرەسە، ەلدىڭ وڭتۇستىك- شىعىس بولىگىندە ورىن تەپكەن پروۆينسيالارداعى تۇرعىندار ەسەبىنەن جاستار قاراسى ارتقانىن ايتا كەتۋ كەرەك. اتالمىش ينستيتۋت حابارلاعانداي، تۇركيا حالقىنىڭ 92,5-ى قالالىق جەرلەر مەن اۋدان ورتالىقتارىندا تۇرادى. سونىمەن بىرگە، ەل تۇرعىندارىنىڭ ەڭبەككە جارامدى (15-64 جاس ارالىعىنداعىلار) ازاماتتارىنىڭ قاراسى وتكەن جىلعى 1,2 پايىزدان 67,9 پايىزعا دەيىن ارتقان.
ياعني، حالىقتىڭ جالپى سانىنا شاققاندا 55 ميلليون ادامعا دەيىن كوبەيگەن. ال 15 جاسقا دەيىنگىلەردىڭ سانى 23,6 پايىزدى قۇراعان ەكەن. 65 جاستاعىلار مەن ودان اسقاندار قاراسى 8,5 پايىزدان اسپايدى. جالپى العاندا، تۇركيا دەموگرافياسى بارلىق كورسەتكىش جاعىنان جاعىمدى جاڭالىققا تولى. دەسە دە حالىق سانىنىڭ كوبەيۋىنە بايلانىستى دامۋشى ەلدەرگە ءتان بەلگىلى ءبىر كەزەڭدە ورىن الاتىن پروبلەمالار دا پايدا بولا باستاعان: ۋربانيزاتسيانىڭ جوعارى قارقىنمەن ءجۇرۋى، تۋۋ كورسەتكىشىنىڭ بىرتىندەپ كەمۋى، حالىقتىڭ قارتايۋى، ت. ب.
