مۇناي باعاسى 80 دوللارعا دەيىن قىمباتتاۋى مۇمكىن - ساراپشى
ايتا كەتەيىك، كەشە Brent ماركالى مۇنايدىڭ باعاسى سوڭعى ءۇش جىلدا العاش رەت 70 دوللاردان استى. سوڭعى رەت مۇنايدىڭ وسى سۇرپىنىڭ باررەلىنە 70 دوللاردان جوعارى باعا 2014 -جىلدىڭ 4 - جەلتوقسانىندا تىركەلگەن. رومان تكاچۋك مۇناي باعاسىنىڭ وسىمىنە دوللاردىڭ السىرەۋى، قىتايدىڭ مۇناي يمپورتىن ارتتىرۋى جانە ا ق ش ەنەرگەتيكا مينيسترلىگىنىڭ اپتا ىشىندەگى مۇناي وندىرىسىندەگى قوردىڭ تومەندەۋى تۋرالى اقپاراتى اسەر ەتكەنىن اتاپ ءوتتى. قازىرگى ۋاقىتتا Brent شامامەن 69,2 دوللارعا ساۋدالانىپ جاتىر.
«مۇناي باعاسىنىڭ ءوسۋ ءۇردىسى 2017 -جىلدىڭ شىلدە ايىنان بەرى جالعاسىپ كەلەدى. ءبىزدىڭ بولجاۋىمىزشا، جاقىن ارادا باعا 72 دوللار كولەمىندە ءوسۋى مۇمكىن. Brent شامامەن 75-80 دوللارعا دەيىن قىمباتتاۋى مۇمكىن، ءبىراق مۇنداي كورسەتكىشتەر جەرگىلىكتى اۋماقتا عانا بولۋى مۇمكىن. تاقتاتاس مۇنايى ريەۆوليۋتسيا قارا التىن نارىعىنداعى احۋالدى ەداۋىر وزگەرتتى - كوپتەگەن ەلدەر (ا ق ش، برازيليا جانە ت. ب. ) مۇناي ءوندىرۋدى ۇيرەندى. قازىر قارا التىن جەكەلەگەن ەلدەر عانا وندىرەتىن بىرەگەي تاۋار بولماي قالدى»، - دەيدى ساراپشى.
ونىڭ ايتۋىنشا، قازىرگى ۋاقىتتا مۇناي باعاسى نەعۇرلىم قىمباتتاسا، ەكىنشى جارتىجىلدىقتا سوعۇرلىم ارزاندايدى.
ا ق ش- تا تاقتاتاس مۇنايىن ءوندىرۋ قارقىندى ءجۇرىپ جاتىر. ءبىراق مامىر ايىندا و پ ە ك وندىرىسكە كۆوتانى قىسقارتۋ بويىنشا كەلىسىمدى ۇزارتپاي قويۋ قاۋپى بار. وعان دەيىن وسى سالاداعى نەگىزگى ويىنشىلار ءۇشىن كەلىسىمنىڭ ماڭىزى جوعالادى - رەسەيدە پرەزيدەنتتىك سايلاۋ وتەدى، ساۋد ارابياسى IPO Saudi Aramco وتكىزەدى. ەگەر مۇناي باعاسى قىمبات بولسا كەلىسسوزدەر تىعىرىققا تىرەلەتىن بولادى»، - دەپ بولجايدى رومان تكاچۋك.
اۆتور: ايجان سەرىكجان قىزى
