راديكالدىق ۇيىمداردىڭ قاتارىنداعىلاردىڭ 80 پايىزى جاستار - ەرمەكبايەۆ
مينيسترلىكتىڭ باسپا ءسوز قىزمەتىنىڭ حابارلاۋىنشا، رەسەيدىڭ ماسكەۋ قالاسىندا وتكەن كەزدەسۋگە الەمنىڭ 70-تەن اسا ەلىنىڭ وكىلدەرىنىڭ باسىن قوستى. اتالعان كەزدەسۋدىڭ ماقساتى - جاستار الدىندا تۇرعان قازىرگى زامانعى قاۋىپ- قاتەرلەرگە قارسى تۇرۋ بويىنشا ۆەدومستۆولاردىڭ بىرەسكەن ءىس- ارەكەتىن ۇيلەستىرۋ بولىپ تابىلادى.
ن. ەرمەكبايەۆ «حالىقارالىق قاۋىپسىزدىك» تاقىرىبىنداعى پانەلدىك ديسكۋسسيادا ءسوز سويلەپ، مينيسترلىك تاراپىنان مەملەكەتتىڭ زايىرلىلىق قاعيدالارىن نىعايتۋ جانە راديكاليزمنىڭ الدىن- الۋداعى زاڭنامانى جەتىلدىرۋ بويىنشا اتقارىلىپ وتىرعان جۇمىستى باياندادى. مينيستر جاستار اراسىنداعى الدىن- الۋ جۇمىستارىن جۇرگىزۋگە باسا نازار اۋداردى.
«جاستارعا بۇقارالىق مادەنيەت جانە ينتەرنەت كۇشتى ىقپال ەتەدى. بۇگىنگى كۇنى ءتۇرلى راديكالدى ۇيىمداردىڭ 80 پايىزىن 30 جاسقا دەيىنگى جاستار قۇرايدى. وسىعان وراي، ەلىمىزدە جانە جالپى حالىقارالىق جاستار ىنتىماقتاستىق جۇيەسىندە جاستاردى باعىتتاۋعا جانە ىنتالاندىرۋعا ارنالعان قۇندىلىقتاردى قالىپتاستىرۋدىڭ ءتيىمدى جۇيەسى بولعانى ماڭىزدى»، - دەپ اتادى ءوز سوزىندە نۇرلان ەرمەكبايەۆ.
مينيستر وتباسىلىق تاربيە جۇيەسىن نىعايتۋ بويىنشا الەۋمەتتىك جوبالاردى دامىتۋ مۇمكىندىگىنە نازار اۋدارتتى. «ءبىزدىڭ حالىقارالىق دەڭگەيدەگى جوبالاردى ىسكە اسىرۋ ءۇشىن قاجەتتى ينفرا قۇرىلىمىمىز بار جانە بارلىقتارىڭىزدى جاستار ساياساتى سالاسىنداعى ۇەۇ رەسۋرستارىن تارتۋمەن ىنتىماقتاستىققا شاقىرامىز. بۇگىن ءبىزدىڭ ەلدەرىمىز ش ى ۇ جاستار كەڭەسى، تۇركى كەڭەسى جانە ت م د ەلدەرى كەڭەسىنىڭ اياسىندا ءوزارا قارىم- قاتىناس جاسايدى. وسى الاڭدارعا ءار قاتىسۋشى مەملەكەت شىعىندارىن وزدەرى وتەيدى. سونىمەن بىرگە، ءبىزدىڭ وپەراتوردىڭ نەگىزىندە قارجىلاندىرۋ جۇيەسىن جانە اتالعان الاڭدار ءىس- شارالارىن ۇيلەستىرۋدى ورتالىقتاندىرۋعا بولادى»، - دەپ ءوز پىكىرىن ءبىلدىردى مينيستر ن. ەرمەكبايەۆ.
بۇدان وزگە، نۇرلان ەرمەكبايەۆ ءىس- شاراعا ءالى قاتىسپايتىن ەلدەر مينيسترلەرىنىڭ اراسىندا بارلىق اتالعان الاڭداردىڭ جۇمىس جوسپارلارىن تاراتۋدى ۇسىندى. وسىلايشا، الىنعان ۇسىنىستار حالىقارالىق قاۋىپسىزدىك ماسەلەلەرىن ءتيىمدى شەشۋگە كومەكتەسەتىنىنە سەنىم ءبىلدىردى. سونىمەن قاتار، مينيستر ءتۇرلى وزەكتى سۇراقتار بويىنشا تۇراقتى ونلاين- كەڭەستەر ۇيىمداستىرۋ ارقىلى بىرلەسكەن جۇمىستىڭ فورماتىن جەتىلدىرۋدى ۇسىندى.
ەسكە سالا كەتەيىك، حالىقارالىق مينيسترلىك كەزدەسۋ 15- قازان كۇنى سوچي قالاسىندا باستالاتىن XIX بۇكىلالەمدىك جاستار مەن ستۋدەنتتەردىڭ فەستيۆالى قارساڭىندا ءوتىپ وتىر. شارادا ب ۇ ۇ باس حاتشىسىنىڭ جاستار ءىسى جونىندەگى وكىلى دجاياتما ۆيكراماناياكە حانىم قۇتتىقتاۋ ءسوز سويلەدى. سونداي- اق، اشىلۋ سالتاناتىندا رەسەي فەدەراتسياسى ۇكىمەتى ءتوراعاسىنىڭ ورىنباسارى ۆيتالي مۋتكو، رەسەي فەدەراتسياسى ءبىلىم جانە عىلىم ءمينيسترى ولگا ۆاسيليەۆا، رەسەيدىڭ جاستار ءىسى جونىندەگى فەدەرالدىق اگەنتتىگىنىڭ جەتەكشىسى الەكساندر بۋگايەۆ، م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ رەكتورى ۆيكتور سادوۆنيچي ءسوز سويلەدى.
