اتىراۋلىق شارۋا 80 كەلى تارتاتىن اسقاباق ءوسىردى - فوتو

اتىراۋ. قازاقپارات - اتىراۋلىق فەرمەر سالماعى 80 كەلى تارتاتىن اسقاباق ءوسىردى، دەپ حابارلايدى قازاقپارات.

«كوكتەمدە تانىسىم امەريالىق اسقاباقتىڭ ءدانىن بەرگەن ەدى. ەگەر جەرسىنىپ كەتسە، كۇزدە ءونىمى كوڭىلىڭنەن شىعادى دەدى. تۋرا ايتقانىنداي بولدى. داننەن 3 اسقاباق ءونىپ شىقتى. مۇندايدى مەن دە شارۋاشىلىقپەن اينالىسىپ جۇرگەندەردىڭ ەشقايسىسى دا كورمەگەن. ەڭ ۇلكەن اسقاباقىڭ سالماعى 80 كەلىدەن اسادى. ديامەترى - 1 مەتر. قالعان ەكەۋى ودان كىشىرەك. دەگەنمەن ولاردىڭ دا سالماعى ازدى- كەم 60 كەلى تارتادى»، - دەدى «داستان» شارۋا قوجالىعىنىڭ جەتەكشىسى قونىس ەرمانوۆ.

اتالعان شارۋا قوجالىعى كوكونىستەر مەن باقشا ونىمدەرىن جانە كارتوپ ءوسىرىپ قانا قويماي، مال شارۋاشىلىعىمەن دە اينالىسادى. قالادا اتالمىش شارۋاشىلىقتىڭ ونىمدەرىن وتكىزەتىن بىرنەشە ورنى بار. ادەتتە تۇتىنۋشىلار فەرمانىڭ اۋلاسىنان جاڭا اكەلىنگەن ونىمدەردى ساتىپ الۋ ءۇشىن كەزەككە تۇرادى.