ماحابباتى 80 جىل وتسە دە سونبەگەن ەرلى-زايىپتى جۇرتتى ءتانتى ەتتى - فوتو
استانا. قازاقپارات - ۇلى بريتانيادا نەكەسىنە 80 جىل تولسا دا، ماحابباتى سونبەگەن ەرلى- زايىپتى تۇرادى.
بۇل تۋرالى NUR. KZ پورتالى mirror.co.uk سايتىنا سىلتەمە جاساپ حابارلايدى.
كەن حارريس بۇگىندە 102 جاستا بولسا، ونىڭ سۇيىكتى جارى مارگارەت 99 عا كەلگەن. ولار ەكىنشى دۇنيەجۇزىلىك سوعىس باستالعانعا دەيىن ەكى جىل بۇرىن نەكەسىن قيدىرعان.
سول كۇننەن باستاپ كەن توي سۋرەتىن ءوز ءاميانىنان تاستاعان ەمەس.
ەكى بالاسى بار ەرلى- زايىپتى وڭىردەگى ەڭ كارى جۇپ دەپ تانىلعان. ولاردىڭ ۇلى الان 77 دە، ال كەلىنى پەت 75 تە. الان ايەلىمەن بىرگە اكەسى مەن اناسىنا قارايلاسىپ ءجۇر.
«ولار كۇندە قول ۇستاسىپ جۇرەدى. سۇراپىل سوعىس ولاردىڭ اراسىن ءبىراز ۋاقىتقا اجىراتقاننان كەيىن ەكەۋى ءبىر- بىرىنەن ايىرىلعىسى جوق. سوعىس جىلدارىندا كەن توي سۋرەتىن ءاميانىنان تاستامايتىن»، - دەيدى پەت.
ەرلى-زايىپتىلار 80 جىلدىق مەرەيتويىن وتباسىمەن بىرگە اتاپ ءوتتى.
