اسانالى ءاشىموۆ 80 جىلدىق مەرەيتويىن دۇركىرەتىپ اتاپ ءوتتى - فوتو
قوناقتاردىڭ باسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى تۇر.
الماتى قالاسىنىڭ اكىمى باۋىرجان بايبەك تە اڭىز اكتەردى قۇتتىقتاپ كەلىپتى.
ءبىرى استانادان، ءبىرى الماتىنىڭ تورىنەن ات تەرلەتىپ كەلسە، ەلىمىزدىڭ 14 وبلىسىنان مۇندا 500 ادام جينالعان.
تەاتردىڭ بارلىق مايتالماندارى وسىندا ءجۇر. ءبىراق انشىلەر قاۋىمىن كورە قويمادىق. تەك ءمادينا ءسادۋاقاسوۆا مەن ماقپال ءجۇنىسوۆا ورتاعا شىعىپ ءان ايتتى.
ال، قايرات نۇرتاس اناسىمەن كەلىپ، اننەن شاشۋ شاشىپ، تويدان ەرتە كەتتى.
بەلگىلى قوعام قايراتكەرى، عالىم، ءتىل جاناشىرى اسىلى وسمان دا ءوز قۇتتىقتاۋى مەن سىيلىعىن الا كەلىپتى. ول اسانالى اشىموۆكە اسىعى الشىسىنان ءتۇسسىن دەپ التىن اسىق پەن باعدات ءاشىموۆاعا قامزول كيگىزدى.
ال، ماقپال ءجۇنىسوۆا بولات نازاربايەۆتىڭ اماناتىن ارقالاپ كەلىپتى. بولات ءابىش ۇلىنىڭ اتىنان نۇرعيسانىڭ ءبىر ءانىن ورىنداپ بەردى.
بارلىق كەلگەن قوناقتاردىڭ كەۋدەسىندە «اسانالى ءاشىموۆ 80 جاس» دەگەن مەدال تاعىلعان.
Stan.kz
