الماتى وبلىسىندا 80 مەملەكەتتىك قىزمەتكەر جاۋاپكەرشىلىككە تارتىلدى
ولار ەكسترەميزم جانە تەرروريزمگە قارسى ارەكەت ەتۋ باعدارلاماسىن دۇرىس جۇزەگە اسىرماعان.
قارجىنى ماقساتسىز جۇمساعان. ال ۇكىمەتتەن بۇل باعدارلامانى جۇزەگە اسىرۋ ءۇشىن ءبىر عانا الماتى وبلىسىنا 6 ميلليارد تەڭگەگە جۋىق اقشا بولىنگەن، دەپ حابارلايدى قازاقپارات ءتىلشىسى.
ماسەلەن، تەرروريستىك تۇرعىدان وسال وبەكتى بولىپ سانالاتىن قاراساي اۋدانىنداعى مەكتەپتەرگە الىنعان بەينەباقىلاۋ كامەرالارى تەحنيكالىق تالاپتارعا ساي ەمەس بولىپ شىقتى.
وسى جايت بويىنشا ءىس قىلمىستىق تەكسەرۋ ورگاندارىنا جىبەرىلدى. «80 مەملەكەتتىك قىزمەتكەر ءار ءتۇرلى جاۋاپكەرشىلىككە تارتىلدى. سونىڭ ىشىندە 11 ادام اكىمشىلىك، 45 ادام تارتىپتىك جانە 24 ادام ماتەريالدىق جاۋاپكەرشىلىككە تارتىلدى. اكىمشىك جاۋاپكەرشىلىككە تارتىلعان 11 ادامنىڭ ءارقايسىسىنا 200 ايلىق ەسەپتىك كورسەتكىش كولەمىندە ايىپپۇل سالىندى»، - دەدى الماتى وبلىسى پروكۋراتۋراسى 1-باسقارماسىنىڭ ەكسترەميزم جانە تەرروريزمگە قارسى ءىس-قيمىل سالاداعى زاڭدىلىقتاردى قاداعالاۋ ءبولىمىنىڭ باستىعى الماز ءابدىراسىلوۆ.
2013-2017-جىلدارى ارالىعىنداعى باعدارلاما بويىنشا بولىنگەن قارجىنى ماقساتسىز جۇمساپ، باسى بالەگە قالعاندار ىشىندە ءدىن ىستەرى، ءبىلىم، سپورت، جاستار ساياساتى سىندى بىرنەشە باسقارمانىڭ قىزمەتكەرلەرى بار.
اۆتور: سامال قابىشەۆا
