09:21, 26 - ناۋرىز 2017 | GMT +5
اۆستراليادا 80 جىل بۇرىن جوعالىپ كەتكەن تاسمانيالىق جولبارىستار بايقالعان
استانا. قازاقپارات - اۆستراليانىڭ سولتۇستىگىندە ءبىر مەزگىلدە بىرنەشە تۇرعىن جولبارىس پەن قاسقىرعا ۇقسايتىن ەرەكشە اڭدى بايقاپ قالعان. الايدا قانداي اڭدى كورگەنىن ولار ناقتى ايتىپ بەرە الماعان.
بۇل تۋرالى Life.ru The Independent-كە سىلتەمە جاساپ حابارلايدى.
اڭدى كورگەن ازاماتتار مەن ارنايى مالىمەتتەردى سالىستىرا كەلە ماماندار جەرگىلىكتى تۇرعىندار وسىدان 80 جىل بۇرىن جەر بەتىنەن قۇرىپ كەتتى، دەپ سانالىپ كەلگەن تاسمانيالىق جولبارىستى بايقاعان دەگەن بايلامعا كەلىپ وتىر.
وسى وقيعادان سوڭ زوولوگتار قالاي بولعان كۇندە دە قالعان اڭداردى تابۋ ءۇشىن كەيپ- يورك جارتىلاي ارالىنا فوتو جانە بەينەباقىلاۋشىلاردى ورناتتى.
سوڭعى تاسمانيالىق جولبارىس نەمەسە ەل اراسىندا الا قاسقىر اتانىپ كەتكەن اڭ 1930 -جىلى اۆستراليالىق زووباقتا ولگەن. سودان بەرى زوولوگتار اتالعان اڭ ءتۇرىنىڭ ەڭ قۇرىعاندا بىرەۋىن بولسادا تابامىز دەگەن ۇمىتپەن ءجۇر.
