09:16, 11 - قاڭتار 2017 | GMT +5
استانالىق ايەل كولىككە «جولدى بوگەمە» دەپ جازىپ تاستاعانى ءۇشىن 80 مىڭ تەڭگە تولەدى
استانا. قازاقپارات - استانا تۇرعىنى كولىگىنە «شىعابەرىس جولدى بوگەمەڭدەر» دەگەن جازۋ قالدىرعان ادامنان زالال سوماسىن ءوندىرىپ الدى دەپ حابارلادى جوعارى سوتتىڭ باسپا ءسوز قىزمەتىنە سىلتەمە جاساپ Baq.kz.
ەر ادام كولىگىن ەلورداداعى تۇرعىن ۇيلەردىڭ ءبىرىنىڭ ماڭىنا قويعان، قايتىپ كەلگەن ول جۇرگىزۋشى جاقتاعى ەسىكتەن «شىعابەرىس جولدى بوگەمەڭدەر» دەگەن جازۋدى وقيدى. ارتىنشا ەر ادام پوليتسياعا شاعىمدانادى.
«قۇقىق قورعاۋ ورگاندارى ايەل وتەتىن جولدا تۇرعان كولىكتى كورىپ، ونىڭ ەسىگىنە «شىعا بەرىس جولدى بوگەمەڭدەر» دەگەن جازۋ جازىلعانىن انىقتادى. وسىلايشا ول كولىكتى زاقىمدادى» ، - دەلىنگەن حابارلامادا.
استانا سارىارقا اۋداندىق سوتى تالاپارىزدى ءىشىنارا قاناعاتتاندىردى. مۇلىككە زيان كەلتىرگەنى ءۇشىن ايەلگە 83947 تەڭگە ايىپپۇل سالىندى.
شەشىم زاڭدى كۇشىنە ەندى.
