قىتايدا 80 ميلليون دوللار جىمقىرعان ايەل ءولىم جازاسىنان امان قالدى

استانا. قازاقپارات - قىتايدىڭ اۆتونومدى اۋدانى - ىشكى موڭعوليادا سوت 1,23 ميلليارد يۋاندى (177 ميلليون دوللار) الاياقتىق جولمەن جىمقىرعان ايەلگە بەرىلگەن ءولىم جازاسىن ءومىر بويىنا باس بوستاندىعىنان ايىرۋ جازاسىمەن الماستىرۋدى دۇرىس دەپ تاپتى، دەپ جازادى utro.ru.

ايەل ازامات 2013 -جىلى اسا ءىرى كولەمدە جاساعان الاياقتىق ارەكەتى ءۇشىن ءولىم جازاسىنا كەسىلگەن بولاتىن. 2015 -جىلى ق ح ر- دىڭ جوعارعى سوتى الاياقتىڭ ءوز ەركىمەن قۇقىق قورعاۋ ورگاندارىنا بەرىلگەنىن نازارعا الا وتىرىپ، ءىستى قايتا قارادى. وعان ۇكىمدى جەڭىلدەتۋ تۋرالى سوڭعى شەشىم قابىلداندى. الاياق ايەل ساياسي قۇقىقتارىنان ءبىرجولاتا اجىرادى. ال ونىڭ جەكە اكتيۆتەرى تاركىلەندى. ايەل ازامات ينۆەستورلاردى ءتۇرلى جوبالارعا قاتىسىپ، مول پايداعا كەنەلۋگە كوندىرە وتىرىپ، الاياقتىق ارەكەتتەرىن جۇزەگە اسىرۋدى 2006 -جىلى باستاعان. ومىردە جوق جوبالارعا تارتىلعان سومادان ول وزىنە 552 ميلليون يۋاندى (بۇگىنگى باعاممەن 79,5 ميلليون دوللار) الىپ قالعان. ول اتالعان قارجىنىڭ باسىم بولىگىن جىلجىمايتىن مۇلىك، كولىك، لوتەرەيا بيلەتتەرى مەن اشەكەيلىك بۇيىمدار سياقتى دۇنيەلەرگە شىعىنداعان.