12:09, 24 - جەلتوقسان 2016 | GMT +5
جامبىل وبلىسىندا تاس جولدا قالىپ قويعان 80 اۆتوبۋستىڭ جولاۋشىلارى پويىزبەن جەتكىزىلدى
استانا. قازاقپارات - جامبىل وبلىسىنداعى اۋا رايىنىڭ قولايسىزدىعىنا جانە بۋرنىي- تۇلكىباس تاس جولىنىڭ جابىلۋىنا بايلانىستى 23 -جەلتوقسان كۇنى جولاۋشىلارى بار 80 اۆتوبۋس بۋرنوە ەلدى مەكەنىندە قار قۇرساۋىندا قالدى، دەپ حابارلايدى «جولاۋشىلار تاسىمالى» ا ق باسپا ءسوز قىزمەتى.
«ق ت ج» ۇ ك» ا ق جامبىل وبلىسىنىڭ اكىمدىگىمەن بىرلەسىپ، ادامداردى بۋرنوە ستانساسىنان وبلىس ورتالىقتارى تاراز جانە شىمكەنت قالالارىنا جەدەل جەتكىزۋدى ۇيىمداستىردى. «جولاۋشىلار تاسىمالى» ا ق باسشىلىعى وڭىرلىك بولىمشەلەرگە جولاۋشىلاردى جەتكىزۋ تۋرالى تاپسىرما بەردى. سونىمەن، 9 جولاۋشىلار پويىزىمەن جولعا شىعام دەپ تىلەك بىلدىرگەن ادامدار جەتكىزىلدى.
