زارينا وماروۆا سۇيىكتىسىنىڭ 80 مىڭ دوللارلىق كولىك سىيلاعانىن ايتىپ ماقتاندى

استانا. قازاقپارات - ءانشى زارينا وماروۆا جولداسىنىڭ ۇنەمى وزىنە دەمەۋشىلىك ەتىپ، بەينەبايانىن تۇسىرۋگە كومەكتەسەتىنىن ايتتى.

بۇدان وزگە جۋىردا جولداسىنىڭ وزىنە قۇنى 80 مىڭ ا ق ش دوللارى تۇراتىن كولىك سىيلاعانىن ايتىپ ماقتاندى.

بۇل تۋرالى استانا ارناسىنىڭ «ەل اۋزىندا» باعدارلاماسىندا ايتىلدى.

الماتىدان اقتوبەگە قونىس اۋدارعان زارينا ونەردەن كەتە المادى. ول اراعا 8 جىل سالىپ قايتا ورالدى. سوڭعى ەكى جىل ىشىندە 2 بەينەبايان ءتۇسىرىپ تە ۇلگەردى. ءانشى سوڭعى جاڭالىقتارىن بولىسە وتىرىپ جولداسىنىڭ قىمبات كولىك سىيلاعانىن جەتكىزدى.

«سوڭعى ەكى جىل ىشىندە ەكى جاڭا بەينەبايان ءتۇسىردىم. ءاننىڭ سوزدەرىن ءىنىم ايان جازعان بولاتىن. ال ونى تۇسىرۋگە جولداسىم كومەكتەستى. بەينەبايانداردىڭ قۇنى قانشا بولعانىن اشىپ ايتا المايمىن. شامامەن، الماتىنىڭ قاق ورتاسىنداعى ءبىر پاتەردىڭ اقشاسى كەتكەن شىعار»، - دەيدى ءانشى.

زارينانىڭ دەمەۋشىسى - قۇداي قوسقان قوساعى. ول كەلىنشەگى ءۇشىن ەشنارسەدەن ايانىپ قالمايدى ەكەن. ءتىپتى، جۋىردا قىمبات كولىك سىيلاعان.

«ءوزىم ۇلكەن كولىكتەردى جاقسى كورەمىن. كىشكەنە كولىكتەر مەنى جەڭىلتەك ەتىپ كورسەتەتىن سياقتى. ماقتانعانىم ەمەس. ءبىراق، راسىمەن، ۇلكەن كولىكتەردى عانا ۇناتامىن. بالكىم العاشقى كولىگىم ۆولگا بولعاندىقتان وسىلاي شىعار. جاقىندا جولداسىم جاڭا كولىك سىيلادى. بۇل دا ماقتانعانىم ەمەس. بار بولعانى قۋانىشىمدى سىزدەرمەن بولىسكىم كەلەدى. ءوزىم اشىق جارقىن اداممىن»، - دەيدى زارينا وماروۆا. ءانشىنىڭ جۇرتتان جاسىرعان سۇيىكتىسى سىيلاعان كولىك - Tayota Land Cruiser. باعاسى شامامەن 80 مىڭ ا ق ش دوللارىن قۇرايدى ەكەن.