اقتاۋدا 80 جاسقا كەلگەن قاريا عىلىمي ديسسەرتاتسيا قورعادى

استانا. قازاقپارات - اقتاۋدا سەكسەننىڭ سەڭگىرىنە كەلگەن شاعىندا عىلىمي ديسسەرتاتسيا قورعاعان قاريا تۇرادى.

عۇمىرىن مۇناي سالاسىنا ارناعان زەينەتكەر جۇزگە جۋىق عىلىمي ماقالانىڭ اۆتورى، دەپ حابارلادى khabar.kz.

بىلتىر ماسكەۋدە ءوزى جازعان ەڭبەگىن ءساتتى قورعاپ، ەكونوميكا عىلىمدارىنىڭ دوكتورى اتاندى.

اقساقالدىڭ ون جىل دايىنداعان جۇمىسى رەسەيلىك عالىمداردىڭ تاڭدايىن قاقتىرعان.

قارت بىرنەشە جىل بۇرىن اقكەتىك قالاسىنان اقتاۋعا كوشكەلى جاستار تاربيەسىنە دەن قويىپتى. جەرگىلىكتى كوللەدج، ينستيتۋتتاردا ءدارىس وقىپ، پروفەسسور اتاعىن دا يەلەنگەن.

قاريانىڭ ەڭبەكتەرى بۇگىندە مۇنايشى ماماندىعىنا باۋليتىن وقۋ ورىندارىندا كەڭ قولدانىستا. ءۇش بالادان سەگىز نەمەرە مەن ەكى شوبەرە ءسۇيىپ وتىرعان كوركەمباي نازار ۇلىنىڭ ەندىگى ماقساتى - ءوزى جازعان وقۋ قۇرالدارىن قازاق تىلىنە اۋدارۋ.

- مەنىڭ ديسسەرتاتسيام وندىرىستەگى شىعىنداردى ازايتۋ جونىندە. بەس ەكزەمپليار، ءارقايسىسى 350 بەتتەن. وقىدى، قارادى، قابىلداپ الدى، جارايدى ەكەن قورعاۋعا دەپ. ەندى عىلىمي ەڭبەك جازام. عىلىم جاڭارىپ جاتىر، بۇرىنعى جازعاندارىم ەسكىرىپ جاتىر، - دەدى ەكونوميكا عىلىمدارىنىڭ دوكتورى كوركەمباي الدانيازوۆ.