بىلتىر «نۇرلى جول» باعدارلاماسى اياسىندا 80 مىڭ جۇمىس ورنى قۇرىلدى
اۋىل شارۋاشىلىعى ونىمدەرىن شىعارۋ 4,4 پايىزعا ۇلعايدى. بۇگىن پارلامەنت ماجىلىسىندە 2015-جىلعى رەسپۋبليكالىق بيۋدجەتتىڭ اتقارىلۋى تۋرالى ۇكىمەت ەسەبىن تانىستىرعان ق ر قارجى ءمينيسترى باقىت سۇلتانوۆ وسىلاي ءمالىم ەتتى.
«كولىك كوممۋنيكاتسياسى بويىنشا 2020-جىلى ناتيجەگە قول جەتكىزىلەتىن 28 نىسانالى ينديكاتور كوزدەلگەن. قورىتىندىسىندا 580 شاقىرىم اۆتوموبيل جولىنداعى جۇمىستار اياقتالدى، 1116 شاقىرىم جول جوندەلدى. جالپى بىلتىرعى بيۋدجەت بويىنشا «نۇرلى جول» باعدارلاماسىنا بايلانىستى قارجىلاندىرۋدىڭ ەكى فورماتى بويىنشا 707 ميلليارد تەڭگە يگەرىلدى. ونىڭ ىشىندە 492 ميلليارد تەڭگە بيۋدجەت ارقىلى قارجىلاندىرىلعان بولاتىن. 80 مىڭ جۇمىس ورنى قۇرىلدى، 456 شاقىرىم اۆتوموبيل جولى سالىندى جانە رەكونسترۋكتسيالاندى»، - دەدى مينيستر.
ونىڭ ايتۋىنشا، اتالعان باعدارلاما اياسىندا 673,5 مىڭ شارشى مەتر تۇرعىن ءۇي تاپسىرىلدى. بۇدان بولەك، وتاندىق ءوندىرىستىڭ اۆتوموبيلدەرىن ساتۋ كولەمى 4540 بىرلىكتى قۇرادى.
اۆتور: قانات مامەتقازى ۇلى
