بۇگىن ولجاس سۇلەيمەنوۆ 80 جاسقا تولدى

استانا. قازاقپارات - 80 جىل بۇرىن (1936) قازاقستاننىڭ يۋنەسكو جانىنداعى تۇراقتى وكىلى، اقىن، قوعام قايراتكەرى، قازاقستاننىڭ حالىق جازۋشىسى، يادرورلىق سىناققا قارسى «سەمەي-نيەۆادا» قوزعالىسىنىڭ،

حالىق كونگرەسى پارتياسىنىڭ كوشباسشىسى، قازاق ك س ر- ءىنىڭ اباي اتىنداعى مەملەكەتتىك سىيلىعىنىڭ، قازاقستان كومسومولى، ب ل ك ج و سىيلىعىنىڭ لاۋرەاتى، تاتارستان رەسپۋبليكاسىنىڭ ش. مارجاني اتىنداعى تاريح ينستيتۋتىنىڭ قۇرمەتتى دوكتورى سۇلەيمەنوۆ ولجاس دۇنيەگە كەلدى.

الماتى قالاسىندا تۋعان. قازاق مەملەكەتتىك ۋنيۆەرسيتەتىنىڭ گەوگرافيا فاكۋلتەتىن ءبىتىرىپ، م. گوركي اتىنداعى ادەبيەت ينستيتۋتىندا وقىعان. «كازاحستانسكايا پراۆدا» گازەتى رەداكتسياسىنىڭ ءبولىم مەڭگەرۋشىسى، «قازاق فيلم» كينوستۋدياسى سەناري- رەداكتسيالىق القاسىنىڭ باس رەداكتورى، قازاقستان جازۋشىلار وداعىنىڭ حاتشىسى، قازاق ك س ر كينەماتوگرافيا جونىندەگى مەملەكەتتىك كوميتەتىنىڭ ءتوراعاسى، ق ر جوعارعى كەڭەسىنىڭ دەپۋتاتى، قازاقستاننىڭ يتالياداعى توتەنشە جانە وكىلەتتى ەلشىسى قىزمەتتەرىن اتقارعان.

ول ءوز تۋىندىلارىن ورىس تىلىندە جازادى. ولەڭدەرى مەن پوەمالارىنىڭ العاشقى جيناعى 1961-جىلى «ارعىماقتار» دەگەن اتپەن جارىق كورگەن. ونىڭ سەناريى بويىنشا «اتامەكەن»، «كوگىلدىر مارشرۋت»، «قىس - قولايسىز ماۋسىم»، ت. ب. فيلمدەر تۇسىرىلگەن. «ازيا»، «جازۋ ءتىلى» اتتى ءتىل بىلىمىنە قاتىستى زەرتتەۋلەرى، «نۇرلى تۇندەر»، «مەشىن جىلى»، «كوڭىل كوكجيەگى»، «ءار كۇن - ارايلى تاڭ»، «اق داريا اسپانى»، «جۇمىر جۇلدىز»، «شاپاعاتتى شاق»، «اتامەكەن»، ت. ب. جيناقتارى شىققان.

1- دارەجەلى «بارىس»، ەڭبەك قىزىل تۋ، «قۇرمەت بەلگىسى»، قازان ريەۆوليۋتسياسى وردەن، مەدالدارمەن ماراپاتتالعان.