استانادا اقىن ولجاس سۇلەيمەنوۆتىڭ 80 جىلدىق مەرەيتويىنا ارنالعان عىلىمي كونفەرەنسيا وتەدى
كونفەرەنسيا 24 -مامىردا قازاقستان رەسپۋبليكاسى ۇلتتىق مۋزەيىنىڭ ۇلكەن ءماجىلىس زالىندا وتەدى.
كونفەرەنتسيانىڭ ماقساتى - ولجاس ومار ۇلىنىڭ جازعان مۇرالارىن جاڭا، تىڭ دەرەكتەر نەگىزىندە زەردەلەۋ، جاستار بويىنداعى وتانشىلدىق پەن پاتريوتتىق سەزىمدەرىن ارتتىرۋ، قازاق مەملەكەتتىلىگىنىڭ قالىپتاسۋىنا جانە دامۋ كەزەڭدەرىنە قوسقان ۇلەسىن عىلىمي تۇرعىدا نەگىزدەۋ.
كونفەرەنسياعا قازاقستان رەسپۋبليكاسى مادەنيەت جانە سپورت مينيسترلىگى، قازاقستان رەسپۋبليكاسى ءبىلىم جانە عىلىم مينيسترلىگى وكىلدەرى، الىس جانە جاقىن شەتەلدەردىڭ مەملەكەت جانە قوعام قايراتكەرلەرى، قوعامدىق ۇيىمداردىڭ وكىلدەرى، جوعارعى وقۋ ورىندارىنىڭ باسشىلارى، قىزمەتكەرلەرى مەن ستۋدەنتتەرى، عالىمدار، باق وكىلدەرى قاتىسادى.
عىلىمي كونفەرەنسيا بارىسىندا و. سۇلەيمەنوۆتىڭ شىعارماشىلىعى مەن ءومىرى تۋرالى سىر شەرتەتىن فوتو جانە كىتاپ كورمەسى ۇيىمداستىرىلادى.
كونفەرەنسيا ماتەريالدارىن «مادەني مۇرا» جۋرنالىندا جاريالاۋ جوسپارلانىپ وتىر.
