بەلسەندىلەر سولتۇستىك كورەياعا 80 مىڭ پاراقشا جىبەردى

استانا. قازاقپارات - وڭتۇستىك كورەيالىق بەلسەندىلەر سولتۇستىك كورەيا تاراپىنا 80 مىڭ پاراقشا ۇشىردى.

قاعازدار جىلى اۋا تولتىرىلعان پوليەتيلەن قۇتىلارعا سالىنىپ، شەكارادان ءارى جىبەرىلگەن. پاراقشالاردا كوممۋنيستىك ەلدىڭ يادرولىق جانە زىمىران سىناقتارى ايىپتالىپ، «كيم چەن ىن ءوز حالقىنا قارسى زۇلىمدىق جاساپ وتىر» دەپ جازىلعان. بۇل بەلسەندىلەر - «سولتۇستىك كورەيانىڭ بوستاندىعىن قولداۋ كواليتسياسىنىڭ» مۇشەلەرى. ال سولتۇستىك كورەيا قاڭتار ايىنىڭ ورتاسىنان بەرى وڭتۇستىكتەگى كورشىسىنە 7 ميلليون پاراقشا ۇشىرىپتى.

ەستەرىڭىزگە سالا كەتەيىك، باۋىرلاس ەكى ەلدىڭ اراسىنداعى جاعداي پحەنياننىڭ 6 -قاڭتاردا يادرولىق سىناق وتكىزىپ، ءبىر ايدان كەيىن زىمىران ارقىلى جەر سەرىگىن ۇشىرعاننان كەيىن ۋشىعىپ كەتكەن بولاتىن.

www.24.kz