بۇگىن ق ر حالىق ءارتىسى نۇكەتاي مىشبايەۆا 80 جاسقا تولدى

استانا. قازاقپارات - 80 جىل بۇرىن (1936) م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتريساسى مىشبايەۆا نۇكەتاي دۇنيەگە كەلدى.

 اكتريسا، ءانشى (مەتستسو- سوپرانو)، قازاقستاننىڭ حالىق ءارتىسى (1991). 1959 - جىلى الماتى مەملەكەتتىك ونەر ينستيتۋتىنىڭ (قازىرگى الماتى مەملەكەتتىك كونسەرۆاتورياسى) اكتەرلىك فاكۋلتەتىن بىتىرگەن.

 1960 - جىلدان قازاقتىڭ مەملەكەتتىك اكادەميالىق دراما تەاترىنىڭ اكتريساسى.

 ايسۇلۋ (ق. شاڭعىتبايەۆ، ق. بايسەيىتوۆ، «بەۋ، قىزدار- اي»)، ايبالا (ءا. تاجىبايەۆ، «توي بولاردا» )، مارفۋعا ( ق. مۇحامەدجانوۆ، «قۇداعي كەلىپتى» )، ت. ب. رولدەردى ورىنداپ، ونەر جولىن كومەديالىق بەينەلەردى جاساۋدان باستاعان جاس اكتريسا ءاليمان (ش. ايتماتوۆ، «انا- جەر انا» )، مايرا (ءا. تاجىبايەۆ، «مايرا») رولدەرىن ورىنداپ، ءوزىنىڭ شەبەرلىگىن درامالىق، تراگەديالىق رولدەردە كورسەتە ءبىلدى.

 انشىلىك قاسيەتتەرىمەن كوپشىلىككە تانىلدى. اقبالا (ءا. نۇرپەيىسوۆ، «قان مەن تەر» )، مەڭسۇلۋ (ش. قۇسايىنوۆ، «الدار كوسە» )، ءجۇزتايلاق، قارلىعاش، اقبالا (م. اۋەزوۆ، «تۇنگى سارىن»، «اباي»، «قاراكوز» )، بەكەي (ايتماتوۆ، «اق كەمە» )، عاليا (ت. احتانوۆ، «كۇتپەگەن كەزدەسۋ» )، اجار ( س. ءجۇنىسوۆ، «اجار مەن اجال» )، «حاتشى ايەل»، ۇرقيا (ا. سۇلەيمەنوۆ، «ءتورت تاقتا - جايناماز»، «قىزداي جەسىر - شتات قىسقارتۋ» )، ت. ب. رولدەرى نۇكەتاي مىشبايەۆانىڭ عانا ەمەس، قازاق ۇلتتىق ساحنا ونەرىنىڭ ءوسىپ- ىلگەرىلەۋ جولىنداعى ەلەۋلى كەزەڭدەرى.

1976 - جىلدان كينوعا تۇسكەن، كوپ ءبولىمدى «قىمىزحانا» تەلەسپەكتاكلىندە تەڭگەتاي ءرولىن، سونداي- اق حالىق اندەرى مەن وسى زامان كومپوزيتورلارى اندەرىنىڭ ورىنداۋشىسى رەتىندە تانىمال.

«پاراسات» وردەنىمەن ماراپاتتالعان.