ايگىلى «تاقيالى پەرىشتە» فيلمىندەگى تايلاق 80 جاستا
بۇل تۋرالى «اقجول» دەموكراتيالىق پارتياسىنىڭ باسپا ءسوز قىزمەتى حابارلادى.
شاكەن ايمانوۆتىڭ ايگىلى «تاقيالى پەرىشتە» فيلمىندەگى تايلاق وبرازىمەن قالىڭ كورەرمەننىڭ سۇيىكتىسىنە اينالعان ءالىمعازى رايىمبەكوۆ تۋرالى: «سول «پەرىشتە» قالپىمەن بار قازاقتىڭ جۇرەگىنەن ورىن تەپكەن ادام. ول - ءتىرى پەندەگە قيانات جاساماعان! ول - ادامداردىڭ بارلىعىنا كۇلىپ قارايدى! ونىڭ كوڭىلى - ءالى ءسابي قالپىنداي تازا! ول سوندىقتان دا ادەمى قارتايدى»، - دەيدى ونىڭ مەرەيتويىنا جينالعاندار.
كاسىبي اكتەر بولماسا دا ءبىر عانا فيلمدەگى وبرازىمەن ارتىنا اڭىز قالدىرعان ازاماتتىڭ ەل الدىنداعى ابىرويى تىم اسقاق. ۇزىن سانى 13 فيلمگە تۇسكەن ءالىمعازى رايىمبەكوۆتىڭ ءاربىر وبرازىنان ونىڭ جۇرەك تۇكپىرىندە جاتقان تەكتىلىك پەن تازالىقتى اڭعارۋ قيىن ەمەس. حالقى «تاقيالى پەرىشتە» دەپ اتاپ كەتكەن قۇرمەتتى ازاماتتىڭ 80 جىلدىق مەرەيتويىنا «اق جول» دەموكراتيالىق پارتياسىنىڭ ءتوراعاسى، ءماجىلىس دەپۋتاتى ازات پەرۋاشيەۆ ارنايى كەلىپ، ەل سىيلاعان ازاماتقا قۇرمەت كورسەتىپ، ات مىنگىزدى.
