قازاقستاندا اي-80 بەنزينى مەن ديزەلدىك وتىنعا باعالار ساقتالادى

استانا. قازاقپارات - ا ي-80 بەنزينى مەن ديزەلدىك وتىنعا باعالار ساقتالادى. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.
None
None

  «ا ي-80 بەنزينى مەن ديزەلدىك وتىنعا باعالار ساقتالادى، ياعني بىزدە وتىننىڭ بۇل ءتۇرى ارتىعىمەن بار. اتاپ ايتقاندا، ەلىمىزدە اي-80 بەنزينى مەن ديزەلدىك وتىن جەتكىلىكتى كولەمدە شىعارىلىپ جاتىر. بۇل تۇرعىدا پروبلەما جوق» ، - دەدى ب. ساعىنتايەۆ.

وسى ورايدا ول ا ي-80 بەنزينى 89 تەڭگە، ال ديزەلدىك وتىن 99 تەڭگەدەن ساتىلىپ جاتقاندىعىن ەسكە سالىپ ءوتتى. «بۇل تۇرعىدا رەتتەۋ تولىق كولەمدە ساقتالادى» ، - دەدى ۇكىمەت باسشىسىنىڭ ءبىرىنشى ورىنباسارى.

 بۇدان بۇرىن حابارلانعانداي، ۇكىمەت ا ي-92/93 بەنزينى باعاسىن مەملەكەتتىك رەتتەۋدەن باس تارتتى. قازاقستان بۇرىندارى رەسەيدەن جەتپەيتىن بەنزيندى 97 تەڭگەدەن العان ەدى، ياعني 1 رۋبل - 2,95 تەڭگە باعامى بويىنشا. بۇگىندە تەڭگەنىڭ ەركىن باعامى اياسىندا بەنزين 120 تەڭگەدەن ساتىپ الىنىپ، 108 تەڭگەدەن ساتىلۋدا. «سايكەسىنشە، شىعىنمەن ەشكىم دە جۇمىس ىستەگىسى كەلمەيدى. ەگەر وسىلاي جالعاسسا، جاقىن ارادا، قىركۇيەكتىڭ اياعىنا قاراي بەنزين تاپشىلىعى تۋىندايدى» ، - دەدى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ.

 تىلشىلەر ساۋالىنا جاۋاپ بەرۋ كەزىندە ق ر ەنەرگەتيكا ءمينيسترى ۆلاديمير شكولنيك اي-92/93 بەنزينى باعاسى ليترىنە 140 تەڭگە دەڭگەيىندە بولۋى مۇمكىن ەكەنىن اتاپ ءوتتى.

 

اۆتور: رۋسلان عابباسوۆ

سوڭعى جاڭالىقتار