ەلوردادا 80 مىڭ ادامعا ارنالعان مەديسينالىق كلاستەر اشىلدى

استانا. قازاقپارات- استانا اكىمى ادىلبەك جاقسىبەكوۆ ءبىر اۋىسىمدا 500 ادامدى قابىلدايتىن جاڭا امبۋلاتوريالىق- ەمحانا كەشەنىنىڭ اشىلۋ سالتاناتىنا قاتىستى.

 بۇل تۋرالى astana.gov.kz سايتى جازادى.

 №9 قالالىق ەمحانا ق ر دەنساۋلىق ساقتاۋدى دامىتۋدىڭ «سالاماتتى قازاقستان» مەملەكەتتىك باعدارلاماسىن ىسكە اسىرۋ اياسىندا سالىنعان. كەشەن قۇرامىنا كونسۋلتاتيۆتىك- دياگنوستيكالىق ءبولىم، جالپى تاجىريبە، پروفيلاكتيكا جانە الەۋمەتتىك- پسيحولوگيالىق كومەك كورسەتۋ دارىگەرلەرى ءبولىمى، 20 ورىندىق كۇندىزگى ستاتسيونار جانە امبۋلاتوريالىق حيرۋرگيا ورتالىعى كىرەدى.

ەمحانا استانانىڭ سول جاعالاۋىنداعى 80 مىڭنان استام تۇرعىنعا قىزمەت كورسەتپەك. كەشەن   حالىقارالىق ستاندارتتاردىڭ تالاپتارىنا ساي كەلەتىن زاماناۋي مەديتسينالىق قوندىرعىلارمەن جابدىقتالعان. ساۋلەلى دياگنوستيكا سالاسىندا زەرتتەۋ جۇرگىزۋگە ارنالعان اپپاراتۋرا، دياگنوستيكانىڭ ۋلترادىبىستىق ادىستەرى، بالالار مەن ەرەسەكتەردە ىشكى ورگاندار پاتولوگياسى دياگنوستيكاسىن جاساۋعا ارنالعان بەينە ەندوسكوپيالىق اپپاراتۋرا دا بار.

سونىمەن قاتار لور دارىگەر، وفتالمولوگ جانە باسقا دارىگەرلەر كابينەتتەرى اشىلدى. ەمحانا ورىنبور كوشەسى، 16/1 مەكەنجايى بويىنشا ورنالاسقان. سونداي- اق قالا باسشىسى اكىمدىكتىڭ «ونكولوگيالىق ورتالىق» ش ج ق م ق ك بازاسىنداعى جاڭا مەديتسينالىق كلاستەردىڭ تانىستىرىلىمىنا قاتىستى. مەكەمەدە VARIAN (ا ق ش) شىعارعان TRUEBEAM جوعارى ەنەرگەتيكالىق جەلىلىك جىلدامداتقىش قولدانىسقا ەنگىزىلەدى. جەلىلىك جىلدامداتقىش قاتەرلى ىسىكتىڭ بارلىق فورمالارىنا زاماناۋي   تەحنيكالاردى پايدالانا وتىرىپ، ساۋلەلى تەراپيا جۇرگىزۋگە مۇمكىندىك بەرەدى.