رەسەيدەگى قىرعىز ميگرانتتارىنىڭ سانى 80 مىڭ ادامعا ارتادى
بۇل تۋرالى قىرعىزستاننىڭ ەڭبەك، ميگراتسيا جانە جاستار ءمينيسترىنىڭ ورىنباسارى المازبەك اسانبايەۆ حابارلادى.
«ازاماتتارىمىزدىڭ كوبى رەسەيگە بارادى. 2015 - جىلعى 14 - ساۋىردەگى مالىمەتتەرگە قاراعاندا، 505 مىڭ ازامات رەسەيدە ءجۇر. شارت راتيفيكاتسيالانعان سوڭ رەسەيدە جۇمىس ىستەيتىن ازاماتتارىمىزدىڭ سانى 60-80 مىڭ ادامعا دەيىن ۇلعايادى دەپ بولجاپ وتىرمىز»، - دەدى ول.
ا. اسانبايەۆتىڭ سوزىنە قاراعاندا، قىرعىزستاننىڭ ە ا ە و- عا قوسىلۋى قىرعىزدىڭ ەڭبەك ميگرانتتارىنا قولايلى جاعدايلار تۋعىزادى.
ا. اسانبايەۆ شارت راتيفيكاتسيالانعاننان كەيىن قىرعىزستاندىقتار رەسەيدە ورىس تىلىنەن جانە تاريحىنان ەمتيحان تاپسىرمايتىنىن، سونىمەن قاتار قىرعىزستاندىقتار مەن ولاردىڭ جانۇيالارىنا تەڭ الەۋمەتتىك قامتۋ جاعدايلارى جاسالۋى ءتيىس ەكەنىن اتاپ ءوتتى. جۇمىسشىنىڭ ەڭبەك ءوتىلى جالپى ەڭبەك وتىلىنە ەسەپتەلەدى. زەينەتتىك قامتۋ سالاسىندا دا قۇقىقتار تەڭەستىرىلمەك.
ەسكە سالا كەتەيىك، 8 - مامىردا ە ا ە و- نىڭ العاشقى سامميتى اياسىندا قىرعىزستاننىڭ ەۋرازيالىق ەكونوميكالىق وداققا كىرۋى تۋرالى قۇجاتتارعا قول قويىلدى.
