ءۇندىستاندا حيرۋرگ جەتى جاسار بالانىڭ 80 ءتىسىن جۇلعان - كەسكىن

استانا. قازاقپارات - ءۇندىستاندا سيرەك جانە كۇردەلى حيرۋرگيالىق وتا ويداعىداي اياقتالدى. وندا ۆيۆەك ەسىمدى جەتى جاسار بالانىڭ 80 ءتىسىن جۇلدى.

بالا يندور قالاسىنداعى (مادحيا- پرادەش شتاتى) Maharaja Yeshwantrao اۋرۋحاناسىنا جاتتى، دەپ حابارلادى NEWSru.com.

وتا جاساۋعا ءتورت ساعات كەتتى. دارىگەر بارات ماحەشۆاري (Bharat Maheshwari) بالانىڭ اۋرۋحاناعا بەس كۇن بۇرىن جاق سۇيەگىنىڭ ابستسەسىمەن تۇسكەنىن The Times of India-عا حابارلادى. تەكسەرۋ بارىسىندا ونىڭ ءبىر يەگىندە كوپتەگەن ارتىق تىستەر وسكەنى انىقتالعان.

دارىگەر انكيت حاسگيۆالا (Ankit Khasgiwala) ەگەر ۆيۆەك وتاعا كەلىسپەگەن جاعدايدا، ءتورت جىلدان كەيىن وعان 200 ءتىستى جۇلۋعا تۋرا كەلەر ەدى، - دەدى. ۆيۆەكتە قازىر نەشە ءتىس قالعانى حابارلانبادى. Russia Today تەلەارناسى اۋرۋحانادا تۇسىرىلگەن بەينەتاسپانى تاراتقان.