الەم بويىنشا 80 مىڭنان استام ادام قازاقستاندىق جەرسەرىگىنىڭ سۋرەتتەرىن پايدالانا الادى - فوتو
«قازاقستان عارىش ساپارى» (ق ع س) ۇ ك ا ق پرەزيدەنتىنىڭ مىندەتىن اتقارۋشى مارات نۇرعوجين ءبىزدىڭ اگەنتتىككە حابارلاعانداي، PCI Geomatics كومپانياسى قۇراستىرعان كانادالىق Geomatica-2014 باعدارلامالىق جاراقتاۋ 2014 - جىلدىڭ جەلتوقسانىنان باستاپ KazEoSat-1 عارىش اپپاراتى مەن جەردى قاشىقتىقتان زوندتاۋ مالىمەتتەرىن قولدايدى.
«قازاقستاندىق عارىش سۋرەتتەرىن الەۋەتتى پايدالانۋشىلارعا بۇل جاڭالىق تۋرالى حاباردار ەتىلدى. KazEoSat-1 جەرسەرىگىنىڭ سۋرەتتەرى Geomatica الەمدەگى كوپتەگەن پايدالانۋشىلارىنا جاڭا دەرەكتەرمەن تانىسۋىنا جول اشادى. قازاقستاندىق جەرسەرىكتىڭ كەڭىستىكتەگى رۇقساتتاماسىنىڭ جوعارعى كورسەتكىشتەرى KazEoSat-1 مالىمەتتەرىن كوپتەگەن كوممەرتسيالىق جوبالاردا جانە قوسىمشالاردا پايدالانۋعا مۇمكىندىك بەرەدى»، - دەدى م. نۇرعوجين.
135 ەلدە 80 مىڭنان استام پايدالانۋشىسى بار PCI Geomatics كومپانياسى ماماندارعا گەو كەڭىستىك مالىمەتتەرىن ۇسىنۋ بويىنشا الەمدە كوشباسشى بولىپ تابىلادى.
