ەسكى شاباداننان تابىلعان تانامونشاق پەن ساقينا 80 مىڭ دوللارعا ساتىلدى
Bonhams ساۋدا ءۇيىنىڭ حابارلاۋىنشا، ولاردىڭ باعالاۋ قۇنى 10 مىڭ فۋنتتان (16 مىڭ دوللار) اسقان جوق.
زەرگەرلىك بۇيىمدار اعىلشىن جازۋشىسىنىڭ تالانتىنا تابىنعان دجەنيفەر گرانتتىڭ ەسكى شابادانىنان تابىلدى، ونى ول 2006-جىلى 100 فۋنتقا (160 دوللار) ساتىپ العان بولاتىن.
ساتىپ العاننان كەيىن گرانت 4 جىلعا جۋىق ۋاقىت ونى اشپاعان. ساندىقتى اشقان بويدا ول التىن شاقالار سالىنعان ءامياندى، سونداي-اق ءۇش بريلليانتتى ساقينانى تاۋىپ الدى، ول جونىندە كريستي ءوزىنىڭ عۇمىرنامسىندا جازعان بولاتىن.
ايتالىق تانامونشاق 27,5 مىڭ فۋنتقا (44,2 مىڭ دوللار)، ساقينا 21,8 مىڭ فۋنتقا (35,1 مىڭ دوللار) ساتىلدى.
Bonamhs وكىلى كەرول گوردوننىڭ ايتۋىنشا، بۇل زەرگەرلىك بۇيىمداردىڭ تابىلۋى تاماشا وقيعا بولدى.
اتاقتى اعىلشىن جازۋشىسى اگاتا كريستي وقىرماندارعا ءوزىنىڭ شىتىرمان روماندارىمەن تانىمال. ونىڭ كىتاپتارى 4 ميلليارد دانادان استام تارالىممەن الەمنىڭ 100 دەن استام تىلدەرىنە اۋدارىلدى.
