15:49, 25 - قىركۇيەك 2014 | GMT +5
قۇنى 80 ميلليون ەۋرو بولاتىن كوكاين تاركىلەندى
استانا. قازاقپارات - يرلانديانىڭ وڭتۇستىك جاعالاۋىنان 370 شاقىرىم جەردە كورك گرافتىعىنان «ماكايابەللا» اتالاتىن ياحتا ۇستالدى. ونىڭ بورتىندا بولجام بويىنشا، ءۇش بريتاندىق بولعان.
شاعىن كەمەنىڭ ىشىنەن 40 پاكەتكە سالىنعان قۇنى شامامەن 80 ميلليون ەۋرو بولاتىن كوكاين تابىلدى.
ەسىرتكى ساۋدالاۋشىلاردى ۇستاۋ شاراسى يرلانديانىڭ اسكەري تەڭىز كۇشتەرى، كەدەن قىزمەتى جانە پوليتسيانىڭ بىرلەسۋىمەن جۇرگىزىلدى.
قۇقىق قورعاۋشى ورگانداردىڭ مالىمەتتەرى بويىنشا، ەسىرتكى وڭتۇستىك امەريكادان تاسىمالدانعان، ونى ەۋروپاعا تاراتۋ كوزدەلگەن.
