ۋكراينادا اپاتقا ۇشىراعان مالايزيالىق لاينەردىڭ بورتىندا 80 بالا بولعان
«الدىن الا مالىمەتتەر بويىنشا وسى لاينەردىڭ بورتىندا 80 بالا بولدى»، - دەلىنگەن ب ا ق حابارلاماسىندا.
بۇدان بۇرىن بۇل اقپاراتتى ءارتۇرلى الەۋمەتتىك جەلىلەردىڭ پايدالانۋشىلارى تاراتتى.
بەيسەنبى كۇنى كەشتە دونەتسك وبلىسىندا مالايزيالىق اۆياجەلىلەردىڭ بورتىندا 295 ادام بولعان Boeing 777 ۇشاعى اپاتقا ۇشىراعانى بەلگىلى بولدى.
مالايزيالىق لاينەردىڭ اپاتقا ۇشىراۋىنىڭ سەبەپتەرى ازىرگە انىق ەمەس. ءساۋىر ايىنان بەرى اۆيااپات بولعان اۋداندا ۋكرايندىق كۇش-قۋات قۇرىلىمدارى اقپانداعى مەملەكەتتىك توڭكەرىسكە ريزا ەمەس دونباسس تۇرعىندارىنا قارسى لاڭكەستىككە قارسى دەپ اتالاتىن وپەراتسيا جۇرگىزۋدە. وپەراتسيادا اۆياتسيا، اۋىر ارتيللەريا جانە زىمىراندىق جۇيە قولدانىلۋدا.
ساراپشىلاردىڭ ايتۋىنشا، ۋكراين ارمياسىنىڭ قولىنداعى اسكەري تەحنيكا كەڭەس وداعىنان مۇراعا قالعان جانە سوعىس قيمىلدارىندا ونى قولدانۋ 2001 - جىلى قارا تەڭىز اسپانىندا ۋكراينا اتىپ تۇسىرگەن رەسەيلىك جولاۋشىلار ۇشاعىنىڭ قايعىلى وقيعاسىن قايتالاۋى مۇمكىن. سول كەزدە ۋكراين ا ق ك بولىمدەرىنىڭ جاتتىعۋلارى بارىسىندا س-200 زىمىران كەشەنىمەن تەل- اۆيۆ - ءنوۆوسىبىر باعىتىنداعى رەسەيلىك تۋ-154 ۇشاعى اتىپ تۇسىرىلگەن بولاتىن. ونىڭ سالدارىنان 78 ادام - 66 جولاۋشى، ونىڭ كوپشىلىگى يزرايل ازاماتتارى جانە 12 ەكيپاج مۇشەسى قازاعا ۇشىراعان بولاتىن.
ءوزىن-ءوزى جاريالاعان دونەتسك حالىقتىق رەسپۋبليكاسىنىڭ جاساقتارىندا 10 شاقىرىمدىق بيىكتىكتەن جولاۋشىلار ۇشاعىن اتىپ تۇسىرە الاتىن قارۋلار جوق، دەپ مالىمدەدى مويىندالماعان رەسپۋبليكانىڭ پرەمەرى الەكساندر بوروداي مالايزيالىق Boeing 777 اپاتقا ۇشىراعاننان كەيىن رەسەيلىك «جاڭالىقتار» اگەنتتىگىنە.
