قىتاي حالىقتىڭ بالىققا دەگەن قاجەتتىگىنىڭ 80 پايىزىن قامتاماسىز ەتىپ وتىر
ەلوردالىق بالىقشىلار توبى كۇتپەگەن ۇسىنىس جاسادى - قازاقستاندا بالىق اۋلاۋعا 15 جىلعا موراتوريي جاريالاۋ قاجەت، دەيدى ولار.
قازاقستاندا بالىق اۋلاۋ ماۋسىمى كۇشىنە ەندى، الايدا بارلىعى بىردەي بەلسەندى دەمالىستىڭ وسى ءتۇرىنىڭ ءدامىن تاتا الماي وتىر. اقمولا وبلىسىنىڭ حالىق تىعىز ورنالاسقان اۋداندارىندا بالىق قالعان جوق دەۋگە بولادى. «قازاقستاندا جىل بويى بالىق اۋلاۋعا موراتوريي جاريالاۋ قاجەت، - دەپ سانايدى بالىقشى ساكەن اقباسوۆ. - قازىر ءبىرقاتار سۋ كوزدەرىندە - جالاڭاشكولدە، ىلە وزەنى مەن قاپشاعايدا ونەركاسىپتىك بالىق اۋلاۋعا تىيىم سالىنعان. اقمولا وبلىسىنا قاتىستى ايتار بولساق، جيىرما جىل بۇرىن بالىقتى پۇتتاپ اۋلاۋعا بولاتىن ەدى. ال قازىر كۇنى بويى وتىرعاندا ءبىر-ەكى موڭكە بالىقتى قارماققا شاق ىلىكتىرەسىڭ».
ادامدار بالىقتى جويداسىز اۋلاۋدىڭ نەشە ءتۇرىن تاۋىپتى. ەندى ناعىز تاعىلىق اۋلاۋ ءتۇرى - بالىقتى ەلەكتر قارماقپەن قىرىپ سالۋ پايدا بولىپتى، دەپ جازادى باسىلىم.
«ەگەر ءبىز تۇقى مەن شورتاندى اياۋسىز قۇرتاتىن بولساق، ەۋروپا مەن سولتۇستىك امەريكانىڭ وزەندەرىندەگىدەي تابيعي اپاتقا ۇشىرايمىز، - دەيدى ساكەن اقباسوۆ اڭگىمەسىن جالعاپ. - سوندىقتان تابيعات قورعاۋ قىزمەتىنىڭ جۇمىسىن كۇشەيتۋ قاجەت. ايتپەسە، بالىق ۋىلدىرىق شاشىپ جاتقان كەزدە اۋلاپ، وڭاي ولجا ىزدەيتىندەر دە تابىلادى. ال سودان كەيىن، بۇكىل بالىق قايدا كەتكەن، دەپ تاڭعالادى؟!»
ءسوز ورايىندا ايتا كەتەتىن بولساق، تورعاي جانە جەزقازعان دالالارىنداعى وزەندەردە بالىق وتە كوپ. ەكى شەلەكتەي بالىق اۋلاۋعا ءبىر ساعات تا جەتەدى. ويتكەنى بۇل جەرلەردە ەل قالعان جوق.
بالىققا قىرعىنداي تيۋ عاسىردىڭ باسىندا باستالدى. جىل سايىن 100 ميلليون توننادان استام بالىق اۋلانادى. بۇل بالىقتىڭ تابيعي ءوسىپ-ونۋىنەن اناعۇرلىم كوپ. قازىردىڭ وزىندە ەكولوگتار ءۇشىن تۇسىنىكتى، بولاشاقتا بالىقتىڭ ونەركاسىپتىك ءوندىرىسى ارنايى فەرمالاردا جۇرگىزىلۋى ءتيىس. ماسەلەن، قىتايدا، وسىنداي فەرمالاردىڭ ەسەبىنەن حالىقتىڭ بالىققا دەگەن قاجەتتىگىنىڭ 80 پايىزىن قامتاماسىز ەتىپ وتىر.
