ومبى قازاقتارى بالالار ۇيىنە قۇنى 80 مىڭ رۋبل تۇراتىن قوندىرعىنى تارتۋ ەتتى - فوتو

 استانا. قازاقپارات - رەسەيدەگى ومبى قالاسىندا تۇراتىن قازاقتار - قاراپايىم قالا تۇرعىندارى مەن كاسىپكەرلەر قايىرىمدىلىق شاراسىن وتكىزدى» ، دەپ حابارلادى «ومبى قازاقتارى» باستاماشىلار توبىنىڭ وكىلى داستان بەيسەبايەۆ.
None
None

 بۇگىن، 5 - شىلدەدە «ومبى قازاقتارى» بەلسەندىلەر توبى مامانداندىرىلعان بالالار ۇيىنە ارنايى جابدىقتار مەن بالالاردىڭ كيىمدەرىن سىيلادى. تارتۋ ەتىلگەن زاتتاردىڭ جالپى قۇنى - 80 مىڭ رۋبل.

«بالالار ءۇيىنىڭ» اتىنان «ومبى قازاقتارى» مەن كاسىپكەرلەرگە العىس ايتامىن. قامقورسىز قالعان بالالارعا قولۇشىن بەرەتىن ادامداردىڭ بار ەكەنى قۋانتادى. قاجەتتى قوندىرعىلار بار. دەگەنمەن، قوسىمشا ەش ۋاقىتتا ارتىق بولمايدى» ، - دەدى ومبى مامانداندىرىلعان بالالار ءۇيى باس دارىگەرىنىڭ ەمدەۋ ماسەلەلەرى بويىنشا ورىنباسارى سۆەتلانا رومانىچيەۆا.

 ونىڭ ايتۋىنشا، سىيلانعان جاڭا قۇرىلعىلار ميدىڭ سال اۋرۋىنان زارداپ شەگەتىن بالالاردى قالپىنا كەلتىرۋگە كومەكتەسەدى. بالالار ۇيىندە ءتورت جاسقا دەيىنگى بالدىرعاندار تاربيەلەنەدى.

 كەرەك قاراجاتتى «ومبى قازاقتارى» توبىنىڭ قاراپايىم مۇشەلەرى جيناعان جانە ومبى كىرپىش زاۋىتىنىڭ باس ديرەكتورى داۋلەن ءسادۋاقاسوۆ، «ساريتسا» ساقتاندىرۋ كومپانياسىنىڭ ومبى فيليالىنىڭ ديرەكتورى ماحاببات كوپتۇروۆا، «چەرلاك بازارى» ديرەكتسياسىنىڭ وكىلى جۇماباي ساتكەنوۆ، جەكە كاسىپكەر مۇرات الپىسوۆتار دەمەۋشىلىك كورسەتكەن.
Казахи ОмскаКазахи Омска 
Казахи Омска 

سوڭعى جاڭالىقتار