ونەردەگى جۇلدىزداردىڭ 80 پايىزى ورازا ۇستايدى

استانا. قازاقپارات - ون ەكى ايدىڭ سۇلتانى، ەڭ قاسيەتتىسى - رامازان بولسا، وسى ايدا كۇللى مۇسىلمانعا پارىز ەتىلگەن ورازا - ادامزاتقا بەرىلگەن مەيىرىمدى مۇمكىندىك. اللاعا مىڭ شۇكىر، ءبىزدىڭ ەلىمىزدە ورازا ۇستايتىن ادامداردىڭ سانى جىلدان جىلعا كوبەيىپ كەلەدى.
None
None

اسىرەسە حالىقتىڭ الدىندا جۇرگەن ونەر ادامدارى قاسيەتتى رامازان ايىندا توي-تومالاقتى ازايتىپ، اۋىز بەكىتىپ، اۋىزاشار بەرىپ، يماندىلىققا بەت بۇرىپ كەلەدى. وسى ورايدا «الاش ايناسى» ورازا قارساڭىندا ونەردەگى ازاماتتاردىڭ حالقىنا دەگەن تىلەك-نيەتتەرىن وقىرماندارىمەن ءبولىسىپ وتىر.

وتىز كۇنى ورازا تۇتىپ، اللاعا قۇلشىلىق ەتكەن پەندە كۇنالاردان قۇلان-تازا ايىعۋعا، جامان ادەتتەرىنەن ارىلۋعا، ءناپسىسىن تاربيەلەۋگە، كەشىرىمدى بولۋعا، ءوزىنىڭ مىنەزىن وزگەرتۋگە مۇمكىندىك الادى.

وسى جولعى رامازاننىڭ ورازاسى ءدال شىلدەنىڭ شىلىڭگىر ايىنا تۇسپا-تۇس كەلىپ تۇر. كۇنى ۇزاق، ىستىق ءارى ءتۇنى قىسقا شىلدەدەگى ورازانىڭ كۇردەلىلىگە قاراماستان بيىل دا ورازا تۇتۋعا نيەت ەتكەندەر كوپ.

دوسىمجان تاڭاتاروۆ، ءانشى:

- ءوزىم ونشاقتى جىل بۇلدى ورازانى ۇزبەي ۇستاپ كەلەمىن. جۇبايىم، ۇل-قىزدارىم دا اۋىز بەكىتەدى. وزگەلەردى دە ورازا ۇستاۋعا شاقىرامىن. ويتكەنى رامازان - اللانىڭ نىعمەت مەن ىرىزدىق بەرەتىن ايى. بۇل بارشا اعايىن-تۋىستىڭ، ەلىمىزدىڭ، حالقىمىزدىڭ امان-ساۋلىعىن، بەرەكە-بىرلىگىن تىلەيتىن ۋاقىت. ءار قازاق ورازا تۇتىپ، جاقسى تىلەك تىلەسە نۇر ۇستىنە نۇر بولار ەدى. اللاعا شۇكىر، ءوزىم بىلەتىن، ارالاساتىن ونەر ادامدارىنىڭ ءبارى ورازا ۇستايدى. ونەردە جۇرگەن ازاماتتاردىڭ ۇلكەنى بار، كىشىسى بار 80 پايىزى ورازا ۇستاپ، اۋىزاشار بەرەدى دەسەم قاتەلەسپەيتىن شىعارمىن. قاسيەتتى ايدا ءانشى-بيشىلەر، اقىندار، كۇيشىلەر، بارلىعى تويدى- دۋمانداردى ازايتىپ، مەشىتكە بارىپ، ورازا ۇستايدى. رامازان ايىندا تۋىس-تۋعاندارمەن باس قوسىپ، دوس-جاراندارمەن اۋىزاشاردا داستارحان باسىندا كەزدەسىپ، اڭگىمەلەسىپ ءبىر جاساپ قالامىز. الداعى وراعا دايىندىعىمىز جاقسى. ءوزىم ارالاساتىن دوس-جاراندارىم وسى باستان اۋىزاشار كۇندەرىن بەلگىلەپ قويدى. وتىز كۇننىڭ 20 كۇنىن اۋىزاشار بەرەتىن اعايىن-تۋىس، دوستارعا بارۋدى بەلگىلەپ قويدىق.

المات ساقاتوۆ، ساتيريك:

- سوڭعى 4-5  جىلدان بەرى ورازا تۇتىپ كەلەمىن. ورازا بەس پارىزدىڭ ءبىرى عوي. سوندىقتان ءبىزدىڭ حالقىمىزدىڭ 100 پايىزى ورازا ۇستاسا دا ارتىق بولماس ەدى. رامازان ايىنىڭ قاسيەتىن ءدىندارلارىمىز، مولدالارىمىز كوپشىلىككە جەتكىزىپ، ناسيحاتتاپ جاتىر. ورازا ادامنىڭ دەنساۋلىعىنا دە وتە پايدالى. بۇل ءبىر جايدان جاي ويلاپ تابىلماعان دۇنيە عوي. اللا قۋات بەرسە، وسى جولى دا اۋىز بەكىتۋگە نيەتتەنىپ وتىرمىن. بۇل جولعى رمازان ايىنىڭ، ورازانىڭ باسقا كەزدەگىلەردەن وزىندىك ەرەكشەلىگى بار، ساۋابى كوپ. قازىرگى زاماندا قۇدايعا شۇكىر بۇرىنعى زامانداعىداي اش-جالاڭاش، نانسىز، سۋسىز جۇرگەن جوقپىز. دەنساۋلىعىمىز، جاعدايىمىز اۋىز بەكىتۋگە جاراپ تۇرسا نەگە ورازا تۇتپاسقا؟ رامازان ايىندا تۋىستارىمىزدى ارالاپ، كوڭىلىمىز تازارىپ، رۋحاني بايىپ قالامىز. جۇرەگىنە يمان ۇيالاتقان بارشا مۇسىلماندى، قازاق حالقىن قاسيەتتى رامازان ايىمەن قۇتتىقتايمىن. بارشالارىڭىزدىڭ نيەتتەرىڭىز قابىل بولسىن!

قالقامان سارين، اقىن:

- ەس بىلگەلى ورازا تۇتىپ كەلەمىن دەسەم دە بولادى. ايتەۋىر شاما-شارقىمىزشا جىلدا اۋىز بەكىتىپ، اللادان حالقىمىزدىڭ اماندىعىن تىلەيمىز. جالپى ءوزىمنىڭ ورتام تۇتاس ورازا ۇستايدى دەسەم ارتىق ايتقاندىق ەمەس. وتىز كۇندى وتىز وتباسى ءبولىپ الىپ كەزەك-كەزەك اۋىزاشار بەرەمىز.

بۇل ءبىر اسىپ-تاسقاندىقتان ەمەس. ءبىزدىڭ ورتا وتباسىلارىمەن جىلدا ورازا تۇتۋدى، اۋىزاشار بەرۋدى جاقسى داستۇرگە اينالدىرعان. مەنىڭ ارالاساتىن دوستارىمنىڭ اراسىندا ونەر ادامدارى دا، زيالى قاۋىم دا، جاستار دا بار. مەيراحنالاردا اۋىزاشار بەرىپ جاتاتىن دوستارىم بار. جىلدان جىلعا ورتامىز كەڭەيىپ كەلەدى. ءار رامازان ايىن ساعىنىشپەن، قۇرمەتپەن، ىقىلاسپەن كۇتەمىز، قارسى الامىز. ورازانىڭ بارلىق نىعمەتتەرىن ايتىپ جەتكىزۋ مۇمكىن ەمەس. رامازاننىڭ ەڭ ءار پەندە ءوزىنىڭ كەمشىلىگىن، تۇزەتۋگە، مىنەزىن وزگەرتۋگە تىرىسادى. مەنىڭ حالقىما تىلەرىم، ورازادان ورازاعا ءتورت كوزىمىز تۇگەل جەتە بەرەيىك.

رامازان ستامعازيەۆ، ءانشى:

-  سوڭعى 15  جىلدا قاتارىنان 12  جىل ۇزبەي ورزا ۇستادىم. كەيىنگى 2  جىلدا بەلگىلى سەبەپتەرمەن اۋىز بەكىتۋگە مۇمكىندىگىم بولمادى. بيىل دا دەنساۋلىعىما، جەكەلەگەن جۇمىستارىما، جول جۇرۋىمە بايلانىستى ورازا ۇستاي المايتىن بولىپ وتىرمىن. ءبىراق مەنىڭ جۇبايىم، قىزىم، شەشەم بيىل ورازا ۇستاۋعا نيپەتتەنىپ وتىر.

رامازان ايىندا ورازا تۇتا الماسام دا، وسى قاسيەتتى ايدا جەتىم-جەسىرلەرگە، جاعدايى تومەن وتباسىلارعا كومەك بەرۋگە نيەتتەنىپ وتىرمىن. جىلدا اۋىزاشار بەرەمىز. اعايىن-تۋىستىڭ باسىن قوسىپ، داستارحان باسىندا ونەگەلى اڭگىمەلەر ايتىپ، ءبىر-بىرىمىزگە دەگەن وكپە-رەنىشىمىز بولسا كەشىرىپ، كوڭىلىمىز كوككە جەتەدى. رامازان - كۇللى مۇسىلمان ءۇشىن ۇلكەن مەرەكە. سوندىقتان وسىناۋ ايلاردىڭ پاديشاسى رامازان ايىندا ەلىمىشز تىنىش، حالقىمىز امان بولسىن دەپ تىلەيمىن. كەلەسى رامازان ايىنا امان-ەسەن جەتەيىك، جۇرەگىمىزدە يمانىمىز، اللاعا دەگەن سەنىمىمىز كۇشەيە بەرسىن!

«الاش ايناسى» كۇللى مۇسىلمانداردى كەلە جاتقان قاسيەتتى رامازان ايىمەن قۇتتىقتايدى. تۇتقان ورازالارىڭىز، تىلەك-نيەتتەرىڭىز قابىل بولسىن!

اۆتور: اينۇر سەنبايەۆا

سوڭعى جاڭالىقتار