پوليسيا 80 جاستاعى اجەيگە قىرىنداعان قاريانى قاماۋعا الدى

دەپ حابارلايدى Agence France-Presse. ولار كۇدىكتىنىڭ ايەلى قايتىس بولعان اۋرۋحانادا تانىسقان.
تاكەو نيتتا اجەيگە بىلتىرعى جىلدىڭ قاراشا ايىنان باستاپ كوز سالا باستاپتى. ول «عاشىعىنىڭ» تەلەفونىنا قوڭىراۋ سوعىپ، ءار ءتۇرلى حابارلامالار قالدىرىپ وتىرعان. نەگىزىنەن سەرۋەندەۋگە ءجيى شاقىرعان دەيدى ءتارتىپ ساقشىلارى.
ال، زامانداسىنىڭ مۇنداي ارەكەتىنە تۇسىنبەستىكپەن قاراعان اجەي وعان ءۇزىلدى- كەسىلدى قارسىلىق تانىتىپتى. ءتىپتى، پوليتسياعا دا بىرنەشە رەت شاعىم ايتقان. الايدا، 2 - مامىر كۇنى نيتتا جابىرلەنۋشىنىڭ ۇيىنە رۇقساتسىز باسىپ كىرىپ، عاشىعىن دالاعا الىپ شىقپاق بولعان. مۇنان كەيىن ءتارتىپ بۇزعان قاريا قاماۋعا الىندى.
ايتا كەتەيىك، سوڭعى ۋاقىتتا جاپونيادا قارت ادامداردىڭ قولىمەن جاسالاتىن قىلمىس سانى ارتىپ وتىر. مۇنى ماماندار ەلدەگى كارى ازاماتتاردىڭ ارتۋىمەن بايلانىستىرادى. سوڭعى 20 جىلدىڭ وزىندە 65 جاستان اسقان تۇرعىندار سانى جاپونيادا 6 ەسەگە ارتقان.
Baq.kz