شينجاڭ-ۇيعىر اۆتونوميالىق ولكەسىنە بارعان ءار تۋريستكە 80 دوللاردان سىياقى تولەنبەك
ازىرگە بۇل ءىستىڭ قالاي جۇزەگە اسىرىلاتىنى حابارلانبادى. سونداي-اق سىياقى شەتەلدىك تۋريستەرگە بەرىلەتىنى نە بەرىلمەيتىنى دە ناقتىلانبادى.
شىنجاڭدا تەرروريستىك وقيعالاردىڭ قايتالانۋى مۇندا كەلەتىن تۋريستەر سانىن ازايتتى.
ياعني، بۇل كورسەتكىش وتكەن جىلعى وسى كەزەڭمەن سالىستىرعاندا 40 پايىز قۇرادى. 2013 - جىلدىڭ سوڭىنداعى دەرەكتەرگە قاراعاندا، شىنجاڭنىڭ جەرگىلىكتى تۇرعىندارىنىڭ 1,5 ميلليون استامى تۋريستىك جانە ارالاس سالالاردا جۇمىس ىستەيدى.
شىنجاڭ-ۇيعىر اۆتونوميالىق ولكەسىندەگى تۋريزم باسقارماسىنىڭ باستىعى ينام نەسرەديننىڭ سوزىنە قاراعاندا، بۇل وڭىرگە تۋريستەر كوپتەپ كەلەتىن. الايدا ەلدىڭ وڭتۇستىك-باتىسىنداعى يۋننان پروۆينسياسىنىڭ وڭتۇستىك-باتىسىنداعى كۋنمينە قالاسىنداعى شابۋىلداردان كەيىن تۋريستەردىڭ كوبى شىنجاڭ-ۇيعىر اۆتونوميالىق ولكەسىنە كەلۋدەن باس تارتقان.
ەسكە سالا كەتەيىك، ءساۋىر ايىنىڭ سوڭىندا ءۇرىمجى ساپارجايىندا بولعان جارىلىستان 3 ادام قازا تاۋىپ، 79 ادام جاراقاتتانعان ەدى. ال مامىردا شىنجاڭ-ۇيعىر اۆتونوميالىق ولكەسىندەگى بازارلاردىڭ بىرىندە بولعان جارىلىستان 39 قازا تاۋىپ، 94 ى جاراقات الدى.
