قۇران وقۋ جانە ازان ايتۋ جارىسىندا جەڭىمپازعا 800 مىڭ دوللار سىياقى تابىستالدى

استانا. قازاقپارات - ساۋد ارابياسىندا الەمدەگى ەڭ ۇلكەن قۇران مەن ازان جارىسى ءوتتى.

ساۋد ارابياسىندا وتكەن قۇران وقۋ جانە ازان ايتۋ جارىسىندا جەرگىلىكتى جانە يراندىق قاري ءبىرىنشى ورىن الدى. بۇل تۋرالى Al Arabiya حابارلادى.

اتاپ ايتقاندا، قۇران وقۋ سايىسىندا يراندىق قاتىسۋشى يۋنۋس شاحمۋرودي ءبىرىنشى ورىن الىپ، 800 مىڭ دوللار (357223600 تەڭگە) جۇلدەسىن جەڭىپ السا، ساۋد ارابياسىنىڭ وكىلى ابدۋلازيز ءال-فاكيح ەكىنشى ورىندى يەلەندى. وعان 500000 دوللار (223264750 تەڭگە) بەرىلدى.

ازان سايىسىندا ساۋد ارابياسىنىڭ وكىلى مۇحاممەد اش-شاريف جەڭىسكە جەتىپ، 500 مىڭ دوللار ۇتتى. يندونەزيادان كەلگەن تالاپكەر دياددين بين نيزوريددين ەكىنشى ورىن الدى، وعان 267 مىڭ دوللار (119223376 تەڭگە) بەرىلگەن.

جەڭىمپازدارعا جۇلدەلەردى ساۋد ارابياسى باس ويىن-ساۋىق باسقارماسىنىڭ ءتوراعاسى تۋركي ءال-شەيح تابىس ەتتى.

SPA مالىمەتىنشە، جارىستىڭ جالپى جۇلدە قورى 3 ميلليون دوللاردى قۇراعان.

بۇل جارىس ەڭ ۇلكەن قۇران وقۋ جانە ازان ايتۋ جارىسى رەتىندە گيننەستىڭ رەكوردتار كىتابىنا ەنگەن.