قاڭتار وقيعاسى كەزىندە ەكى پوليتسيا دەپارتامەنتىنەن 800 اتىس قارۋى ۇرلانعان
ق ر باس پروكۋرورى بەرىك اسىلوۆ ءماجىلىستى جالپى وتىرسىندا وسىنداي مالىمەت بەردى، دەپ حابارلايدى قازاقپارات ءتىلشىسى.
«تەك الماتى جانە جامبىل وبلىستارىنىڭ ەكى پوليتسيا دەپارتامەنتتەرىنەن قىلمىسكەرلەر 800 گە جۋىق اتىس قارۋىن، ونىڭ ىشىندە 262 اۆتومات، 501 تاپانشا، 12 گراناتومەت، پۋلەمەت جانە 60 مىڭنان استام وق-ءدارى ۇرلادى. اڭشىلىق دۇكەندەرىنەن جانە قۇقىق قورعاۋ جانە ارنايى ورگانداردىڭ قارۋ-جاراق ارسەنالىنان شامامەن 3 مىڭ قارۋ ۇرلانعان ونىڭ تەك ۇشتەن ءبىرى نەمەسە 771 داناسى تابىلدى. 2 مىڭنان استام قارۋ- جاراق، سونىڭ ىشىندە اۆتوماتتار، مىلتىقتار، تاپانشالار مەن گراناتومەتتەر، سونداي-اق گراناتالار ءالى دە قىلمىسكەرلەردىڭ قولىندا»، - دەدى باس پروكۋرور «جاڭا قازاقستان» دەپۋتاتتىق توبىنىڭ ساۋالىنا بەرگەن اۋىزشا جاۋابىندا.
ونىڭ ايتۋىنشا، مۇنداي ارسەنالمەن تۇتاس پولكتى قارۋلاندىرۋعا بولادى.
«بەيبىت تۇرعىندارعا بۇل قارۋ قاجەت ەمەس ەكەنى تۇسىنىكتى. ول ەلدەگى جاعدايدى اۋقىمدى تۇراقسىزداندىرۋ ءۇشىن ۇرلانعان. وسى فاكتىلەردىڭ ءبارى بويىنشا قىلمىستىق ىستەر تەرگەلۋدە»، - دەدى بەرىك اسىلوۆ.
اۆتور: ەسىمجان ناقتىباي
