كولىگىنە كسەنون تاققان 800 دەن استام اتىراۋلىق جۇرگىزۋشى جازالاندى

اتىراۋ. قازاقپارات - اتىراۋدا كولىگىنە كسەنون، لەد شامدارىن تاققان 800 دەن استام جۇرگىزۋشى جازالاندى، دەپ حابارلايدى قازاقپارات.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جولدا ءجۇرۋ ەرەجەسىن بۇزۋشىلار اراسىندا كولىگىنە كسەنون، لەد شامدارىن سالعان جۇرگىزۋشىلەر كوبەيگەن. جىل باسىنان بەرى وسىنداي 800 دەن استام جۇرگىزۋشى انىقتالىپ، اكىمشىلىك جاۋاپكەرشىلىككە تارتىلعان.

«مۇنداي جارىق شامدارىن قوندىرعان كولىك جۇرگىزۋشىلەرى جولدىڭ قارسى باعىتىنداعى قوزعالىس قاۋىپسىزدىگىنە كەرى اسەرىن تيگىزىپ، كوپتەگەن نارازىلىق تۋدىرادى. ماسەلەن، 4-قىركۇيەكتە ساعات 22:04 شاماسىندا س. داتوۆ - ش. ءۋاليحانوۆ كوشەلەرىنىڭ قيىلىسىندا «Kia Cerato» ماركالى اۆتوكولىگى توقتاتىلدى. تەكسەرۋ كەزىندە 33 جاستاعى جۇرگىزۋشىنىڭ كولىگىندەگى كسەنون شامىن جاعىپ، كەلە جاتقانى انىقتالدى. جۇرگىزۋشى مۇنداي بۇزۋشىلىقتى ەكىنشى رەت قايتالاعانى بەلگىلى بولدى. اتالعان جۇرگىزشىگە قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 590-بابىنىڭ 5-بولىمىمەن (سىرتقى جارىق بەرۋ اسپاپتار دەرەكتەرى كولىك قۇرالىنىڭ كونسترۋكسيا تالاپتارىنا سايكەس كەلمەيتىنى ءۇشىن) اكىمشىلىك حاتتاما تولتىرىلىپ، 14585 تەڭگە كولەمىندە ايىپپۇل سالىندى» - دەپ حابارلادى دەپارتامەنتتىڭ باسپا ءسوز قىزمەتىنەن.