800 مىڭ كيىكتى ءولتىرىپ، ءمۇيىزىن قىتايعا وتكىزىپ كەلگەن قىلمىستىق توپ ۇستالدى

8-شىلدەدە ۇ ق ك الماتى وبلىسى بويىنشا دەپارتامەنتى شەكارا قىزمەتىنىڭ الماتى وبلىسى بويىنشا دەپارتامەنتىمەن بىرلەسىپ، كيىك ءمۇيىزىن زاڭسىز ءوندىرۋ جانە قازاقستاننان قىتايعا كونتراباندا ارناسىن ۇيىمداستىرۋعا قاتىسى بار قىلمىستىق توپتىڭ زاڭسىز ارەكەتىنىڭ جولىن كەسۋ بويىنشا ارنايى وپەراتسيا جۇرگىزدى.

دەريۆاتتاردىڭ ءىرى پارتياسىن شەتەلگە شىعارۋدى ۇيىمداستىرماقشى بولعان قىلمىستىق سحەمانىڭ ۇيىمداستىرۋشىسى مەن قاتىسۋشىلارى ۇستالدى. جالپى سالماعى 700 كيلوگرام بولاتىن 3144 كيىك ءمۇيىزى تاركىلەندى. براكونەرلىك ارەكەتتەن قازاقستانداعى كيىك پوپۋلياتسياسىنا ايتارلىقتاي زيان كەلگەن. قازىرگى ۋاقىتتا ونىڭ سانى - شامامەن 800 مىڭ باس.

ق ر ق ك 339-بابىنىڭ 2-بولىگى («كيىكتى زاڭسىز قولعا ءتۇسىرۋ، جويۋ، سول سياقتى زاڭسىز قولعا تۇسىرىلگەن كيىكتى نەمەسە ونىڭ دەريۆاتتارىن، ونىڭ ىشىندە مۇيىزدەرىن يەمدەنۋ، ساقتاۋ، وتكىزۋ، اكەلۋ، اكەتۋ، جونەلتۋ، تاسىمالداۋ») بويىنشا سوتقا دەيىنگى تەرگەۋ ءجۇرىپ جاتىر.

ونىڭ شەڭبەرىندە قىلمىستىڭ وزگە دە قاتىسۋشىلارىن انىقتاۋ، فيگۋرانتتاردا كيىك مۇيىزدەرىنىڭ قوسىمشا پارتيالارىنىڭ بار بولۋى بويىنشا تەرگەۋ جانە جەدەل ءىس- شارالار كەشەنى جاسالادى.